بۇگىن — ۋكراين جازۋى مەن ءتىلى كۇنى. بۇل مەرەكە بيىل العاش رەت جاڭا داتادا اتاپ وتىلۋدە، دەپ حابارلايدى «ادىرنا» ءتىلشىسى.
اتاۋلى داتا 1997 جىلدان بەرى تويلانىپ كەلەدى. بۇل كۇن قوعامدىق ۇيىمداردىڭ باستاماسىن قولداۋ جانە ۋكراين قوعامىن بىرىكتىرۋدەگى مەملەكەتتىك ءتىلدىڭ ماڭىزدى ءرولىن ەسكەرە وتىرىپ پايدا بولدى.
ۋكراين جازۋى مەن ءتىلى كۇنى شەجىرەشى نەستوردى ەسكە الۋ كۇنىمەن تۇسپا-تۇس كەلەدى.
ۋكراينا پراۆوسلاۆيە شىركەۋى مەن ۋكرايندىق گرەك-كاتوليك شىركەۋى جاڭا يۋليان كۇنتىزبەسىنە كوشكەننەن كەيىن ەكى مەرەكە دە 9 قاراشادان 27 قازانعا اۋىستى.
ايتا كەتەيىك، ۋكراين ءتىلى 1989 جىلعى 26 قازاندا مەملەكەتتىك ءتىل مارتەبەسىنە يە بولدى. قازىرگى تاڭدا بۇل تىلدە 45 ميلليونعا جۋىق ادام سويلەيدى.
