ءانشى، كومپوزيتور، قازاقستاننىڭ ەڭبەك سىڭىرگەن قايراتكەرى رامازان ەلىباەۆ اۋىر دەرتكە شالدىققانىن ايتىپ، حالقىنان قول ۇشىن سوزۋىن سۇرادى، دەپ جازادى "ادىرنا" ءتىلشىسى.
رامازان ەلىباەۆ (1947 جىلى دۇنيەگە كەلگەن) — بەلگىلى قازاق ءانشىسى جانە كومپوزيتورى، «نۇرەكەم»، «تۇمارىم»، «جانىم-اۋ»، «نە پايا» اندەرىنىڭ اۆتورى جانە ورىنداۋشىسى. «كوزدەر» -اي»، «جاس ۇلان»، «بالالىق قايران بال شاعىم»، «كوڭىل كۇيى» ت.ب. «گۇلدەر» ءانسامبلىنىڭ قۇرامىندا ءتۇرلى حالىقارالىق بايقاۋلار مەن فەستيۆالدەردىڭ لاۋرەاتى. قازاقستان رەسپۋبليكاسىنىڭ ەڭبەك سىڭىرگەن قايراتكەرى.
كەزىندە قازاق ساحناسىنىڭ ساڭلاعىنا اينالعان ءارتىس قازىر 15 جىلدان اسا ۋاقىت ونەر الەمىنەن الىستاپ كەتتى. وعان جالعىز سەبەپ ارپالىسىپ كەلە جاتقان 3-دارەجەلى "پاركينسون" دەرتى.
رامازان مىرزانىڭ ايتۋىنشا، دەرت اعزانى دەندەپ بارادى. ءالى كۇنگە دەيىن ۋاقىتشا ءدارىنىڭ كۇشىمەن كەلە جاتقان ول، ولاردى ىشپەسە مۇلدەم قوزعالا الماي، قول-اياقتارى دىرىلدەپ-قالشىلداپ كەتەتىنىن، تاماق ىشە الماي قاقالا-شاشالا بەرەتىنىن ايتتى.
وسى ۋاقىتقا دەيىن ەكى رەت ءولىم اۋزىنان قالعان كومپوزيتور، اۋرۋدان ايىعۋدىڭ جالعىز جولى - ميعا ارنايى وتا جاساتۋ دەدى ول.
"بۇل وتانى كوبىسى جاسىما بايلانىستى جانە التسگەيمەردىڭ بارىنا بايلانىستى جاساۋدان باس تارتادى، ءدارى ءىشىپ جۇرەبەرىڭىز دەيدى. بىراق اعايىن تۇرىكتەر ارنايى كونسۋلتاتسيا ناتيجەسىندە ماعان وسى وتانى جاساۋعا دايىن، قۇنى 29000$, جولمەن، كونسۋلتاتسيالار، بار اناليزدارمەن قوسا 15 ملن تەڭگە قاراجات قاجەت. ونداي سومما ءبىزدىڭ جانۇيا ءۇشىن قولجەتىمسىز سوما. ء"ۇمىتسىز شايتان" دەمەكشى، ارينە دەنساۋلىعىمدى رەتتەگىم كەلەدى. ءالى دە ساۋ ادامداردىڭ قاتارىندا ءجۇرىپ، تۆورچەستۆومدى جالعاستىرعىم كەلەدى. نە ىستەرىمدى بىلمەگەندىكتەن، وسى ءوزىمنىڭ جاناشىر، يمانى بەرىك، جومارت، قيىن-قىستاۋ كەزىندە كومەك، دەمەۋ بەرەتىن حالقىمنان كومەك سۇراپ وتىرمىن. ءار كومەكتەسكەن ادامعا ساۋابىنان جازسىن" دەپ ءبولىستى ول "ادىرنا" تىلشىسىنە.
رامازان ەلىباەۆتىڭ اياققا نىق تۇرىپ، ەلى ءۇشىن قايتادان شىعارماشىلىقتى قولىنا الىپ شاۋىپ كەتۋىنە نەبارى 15 ميلليون قاراجات قاجەت. كومپوزيتور حالىقتان كومەك سۇرايدى. تومەندەگى رەكۆيزيتتەر ارقىلى ناۋقاس جانعا ءوز كومەگىڭىزدى بەرە الاسىز:
