«اتامۇرا» كورپوراتسياسىنىڭ پرەزيدەنتى، باسپاگەر راقىمعالي قۇل-مۇحاممەد سۋ تاسقىنىنان زارداپ شەككەن ايماقتارعا دەمەۋشىلىك جاساپ، ءوز قالتاسىنان 10 ميلليون تەڭگە اۋداردى، دەپ حابارلايدى “ادىرنا” ۇلتتىق پورتالى.
“ەلىمىزدىڭ ءبىراز ءوڭىرىن سۋ باسىپ، حالقىمىزدىڭ باسىنا اۋىرتپالىق ءتۇسىپ، قاتتى قيىندىق كورىپ جاتقانى مەنى دە الاڭداتىپ وتىر.
وسى ءبىر قيىن كۇندەردە وزدەرىڭىزبەن بىرگە ەكەنىمدى ءبىلدىرىپ، تابيعات اپاتىنان زارداپ شەككەن باۋىرلارىمىزعا دەمەۋشىلىك جاساپ، ءوز اتىمنان 10 ملن تەڭگە اۋدارىپ، كومەك كورسەتۋدى ءجون سانادىم.
حالقىمىزعا اللا سابىر مەن ءتوزىم، بىرلىك پەن بەرەكە بەرسىن! قيىندىقتان تەزىرەك شىعۋلارىڭىزعا تىلەكتەسپىن! ەلىمىز امان، جۇرتىمىز تىنىش بولسىن”، دەپ جازدى راقىمعالي قۇل-مۇحاممەد.
