Ánshi, kompozıtor, Qazaqstannyń eńbek sińirgen qaıratkeri Ramazan Elibaev aýyr dertke shaldyqqanyn aıtyp, halqynan qol ushyn sozýyn surady, dep jazady "Adyrna" tilshisi.
Ramazan Elibaev (1947 jyly dúnıege kelgen) — belgili qazaq ánshisi jáne kompozıtory, «Nurekem», «Tumarym», «Janym-aý», «Ne paıa» ánderiniń avtory jáne oryndaýshysy. «Kózder» -aı», «Jas ulan», «Balalyq qaıran bal shaǵym», «Kóńil kúıi» t.b. «Gúlder» ansambliniń quramynda túrli halyqaralyq baıqaýlar men festıvalderdiń laýreaty. Qazaqstan Respýblıkasynyń eńbek sińirgen qaıratkeri.
Kezinde qazaq sahnasynyń sańlaǵyna aınalǵan ártis qazir 15 jyldan asa ýaqyt óner áleminen alystap ketti. Oǵan jalǵyz sebep arpalysyp kele jatqan 3-dárejeli "parkınson" derti.
Ramazan myrzanyń aıtýynsha, dert aǵzany dendep barady. Áli kúnge deıin ýaqytsha dáriniń kúshimen kele jatqan ol, olardy ishpese múldem qozǵala almaı, qol-aıaqtary dirildep-qalshyldap ketetinin, tamaq ishe almaı qaqala-shashala beretinin aıtty.
Osy ýaqytqa deıin eki ret ólim aýzynan qalǵan kompozıtor, aýrýdan aıyǵýdyń jalǵyz joly - mıǵa arnaıy ota jasatý dedi ol.
"Bul otany kóbisi jasyma baılanysty jáne Algeımerdiń baryna baılanysty jasaýdan bas tartady, dári iship júreberińiz deıdi. Biraq aǵaıyn túrikter arnaıy konsýltaııa nátıjesinde maǵan osy otany jasaýǵa daıyn, quny 29000$, jolmen, konsýltaııalar, bar analızdarmen qosa 15 mln teńge qarajat qajet. Ondaı somma bizdiń januıa úshin qoljetimsiz soma. "Úmitsiz shaıtan" demekshi, árıne densaýlyǵymdy rettegim keledi. Áli de saý adamdardyń qatarynda júrip, tvorchestvomdy jalǵastyrǵym keledi. Ne isterimdi bilmegendikten, osy ózimniń janashyr, ımany berik, jomart, qıyn-qystaý kezinde kómek, demeý beretin halqymnan kómek surap otyrmyn. Ár kómektesken adamǵa saýabynan jazsyn" dep bólisti ol "Adyrna" tilshisine.
Ramazan Elibaevtyń aıaqqa nyq turyp, eli úshin qaıtadan shyǵarmashylyqty qolyna alyp shaýyp ketýine nebári 15 mıllıon qarajat qajet. Kompozıtor halyqtan kómek suraıdy. Tómendegi rekvızıtter arqyly naýqas janǵa óz kómegińizdi bere alasyz:
