اقتوبە وبلىسىنىڭ ۆەتەريناريا باسقارماسىنا قاراستى "قارعالى اۋداندىق ۆەتەريناريالىق ستانساسى" مەملەكەتتىك كوممۋنالدىق كاسىپورىنى قاڭعىباس يت پەن مىسىقتاردى زارارسىزداندىرۋ، كاستراتسيالاۋ، سايكەستەندىرۋ جۇمىستارى ءۇشىن 6 165 550.00 تەڭگە قارجى جۇمساعان، - دەپ حابارلايدى ادىرنا ۇلتتىق پورتالىنىڭ ءتىلشىسى goszakup.gov.kz/ سايتىنا سىلتەمە جاساپ.
قارعالى اقتوبە وبلىسىنداعى بار بولعانى 17 مىڭ ادام تۇراتىن شاعىن اۋدان. اۋدان قۇرامىندا 8 اۋىلدىق وكرۋگ، 15 ەلدىمەكەن بار. ياعني، اينالدىرعان 8 اۋىلدىق وكۋرگتىڭ قاڭعىباس يتتەرى مەن مىسىقتارىن كلينيكالىق تەكسەرۋ، تىركەۋ، ءپىشتىرۋ، ەمدەۋ جۇمىستارىنا قازىنا قارجىسىنان 6 165 550,00 تەڭگە بولىنگەن.
تەندەر ناۋرىز ايىندا ءوتىپ، جەرگىلىكتى جەكە كاسىپكەر ۇتىپ العان. تەندەر جەڭىمپازى قاڭعىباس جانۋارلاردى (يتتەر مەن مىسىقتار) كلينيكالىق تەكسەرۋ، تىركەۋ (جانۋاردىڭ ءتۇرى، جىنىسى، تۇقىمى (بەلگىلەنگەن جاعدايدا), ءتۇسى، ارنايى زاتتارى، ەرەكشە بەلگىلەرىنىڭ بولۋى، ت.ب) سەكىلدى جۇمىستاردى اتقارۋدى مىندەتىنە العان.
تەحنيكالىق سيپاتتامادا تۇزاققا تۇسكەن قاڭعىباس يتتەر مەن مىسىقتار مەتالل تورلارعا سالىناتىنى، جانۋارلاردى ۇستاعان كەزدە تاپسىرىس بەرۋشىنى حاباردار ەتۋ كەرەكتىگى، وپەراتسيالىق كەزەڭگە، ياعني جانۋارلار ساۋىعىپ كەتكەنشە ۋاقىتشا ۇستالاتىنى، ت.ب جايتتار جازىلعان.
قاڭعىباس جانۋارلار ءتيىستى كلينيكالىق جاعدايلاردا زارارسىزداندىرىلىپ، كاستراتسيالانادى (پىشتىرىلەدى). سونداي-اق، ولارعا ارنايى چيپ ورناتىلادى.
بۇل جۇمىستار جىل اياعىنا دەيىن دەيىن اتقارىلۋى ءتيىس.
وسى جۇمىس اياسىندا 380 باس يت، 100 مىسىقتى قامتۋ كوزدەلگەن.
قىسقارتا ايتقاندا، بيىل اقتوبە وبلىسىنىڭ شاعىن عانا ءبىر اۋدانى جالپى سانى 480 باس يت-مىسىقتى تىركەۋ، ەمدەۋ ءھام ءپىشتىرۋ ءۇشىن 6 6 165 550.00 تەڭگە قارجى جۇمساعان.
بۇل قارجى از با، كوپ پە، ءوزىڭىز باعامداي بەرىڭىز؟!
قانات بىرلىكۇلى
ادىرنا ۇلتتىق پورتالى
