Aqtöbe oblysynyŋ Veterinariia basqarmasyna qarasty "Qarǧaly audandyq Veterinariialyq stansasy" memlekettık kommunaldyq käsıporyny qaŋǧybas it pen mysyqtardy zararsyzdandyru, kastrasiialau, säikestendıru jūmystary üşın 6 165 550.00 teŋge qarjy jūmsaǧan, - dep habarlaidy Adyrna ūlttyq portalynyŋ tılşısı goszakup.gov.kz/ saityna sılteme jasap.
Qarǧaly Aqtöbe oblysyndaǧy bar bolǧany 17 myŋ adam tūratyn şaǧyn audan. Audan qūramynda 8 auyldyq okrug, 15 eldımeken bar. Iаǧni, ainaldyrǧan 8 auyldyq okurgtyŋ qaŋǧybas itterı men mysyqtaryn klinikalyq tekseru, tırkeu, pıştıru, emdeu jūmystaryna qazyna qarjysynan 6 165 550,00 teŋge bölıngen.
Tender nauryz aiynda ötıp, jergılıktı jeke käsıpker ūtyp alǧan. Tender jeŋımpazy qaŋǧybas januarlardy (itter men mysyqtar) klinikalyq tekseru, tırkeu (januardyŋ türı, jynysy, tūqymy (belgılengen jaǧdaida), tüsı, arnaiy zattary, erekşe belgılerınıŋ boluy, t.b) sekıldı jūmystardy atqarudy mındetıne alǧan.
Tehnikalyq sipattamada tūzaqqa tüsken qaŋǧybas itter men mysyqtar metall torlarǧa salynatyny, januarlardy ūstaǧan kezde tapsyrys beruşını habardar etu kerektıgı, operasiialyq kezeŋge, iaǧni januarlar sauyǧyp ketkenşe uaqytşa ūstalatyny, t.b jaittar jazylǧan.
Qaŋǧybas januarlar tiıstı klinikalyq jaǧdailarda zararsyzdandyrylyp, kastrasiialanady (pıştırıledı). Sondai-aq, olarǧa arnaiy chip ornatylady.
Būl jūmystar jyl aiaǧyna deiın deiın atqaryluy tiıs.
Osy jūmys aiasynda 380 bas it, 100 mysyqty qamtu közdelgen.
Qysqarta aitqanda, biyl Aqtöbe oblysynyŋ şaǧyn ǧana bır audany jalpy sany 480 bas it-mysyqty tırkeu, emdeu häm pıştıru üşın 6 6 165 550.00 teŋge qarjy jūmsaǧan.
Būl qarjy az ba, köp pe, özıŋız baǧamdai berıŋız?!
Qanat Bırlıkūly
Adyrna ūlttyq portaly
Ūqsas jaŋalyqtar
