Aqtóbe oblysynyń Veterınarııa basqarmasyna qarasty "Qarǵaly aýdandyq Veterınarııalyq stansasy" memlekettik kommýnaldyq kásiporyny qańǵybas ıt pen mysyqtardy zararsyzdandyrý, kastraııalaý, sáıkestendirý jumystary úshin 6 165 550.00 teńge qarjy jumsaǵan, - dep habarlaıdy Adyrna ulttyq portalynyń tilshisi goszakup.gov.kz/ saıtyna silteme jasap.
Qarǵaly Aqtóbe oblysyndaǵy bar bolǵany 17 myń adam turatyn shaǵyn aýdan. Aýdan quramynda 8 aýyldyq okrýg, 15 eldimeken bar. Iaǵnı, aınaldyrǵan 8 aýyldyq okýrgtyń qańǵybas ıtteri men mysyqtaryn klınıkalyq tekserý, tirkeý, pishtirý, emdeý jumystaryna qazyna qarjysynan 6 165 550,00 teńge bólingen.
Tender naýryz aıynda ótip, jergilikti jeke kásipker utyp alǵan. Tender jeńimpazy qańǵybas janýarlardy (ıtter men mysyqtar) klınıkalyq tekserý, tirkeý (janýardyń túri, jynysy, tuqymy (belgilengen jaǵdaıda), túsi, arnaıy zattary, erekshe belgileriniń bolýy, t.b) sekildi jumystardy atqarýdy mindetine alǵan.
Tehnıkalyq sıpattamada tuzaqqa túsken qańǵybas ıtter men mysyqtar metall torlarǵa salynatyny, janýarlardy ustaǵan kezde tapsyrys berýshini habardar etý kerektigi, operaııalyq kezeńge, ıaǵnı janýarlar saýyǵyp ketkenshe ýaqytsha ustalatyny, t.b jaıttar jazylǵan.
Qańǵybas janýarlar tıisti klınıkalyq jaǵdaılarda zararsyzdandyrylyp, kastraııalanady (pishtiriledi). Sondaı-aq, olarǵa arnaıy chıp ornatylady.
Bul jumystar jyl aıaǵyna deıin deıin atqarylýy tıis.
Osy jumys aıasynda 380 bas ıt, 100 mysyqty qamtý kózdelgen.
Qysqarta aıtqanda, bıyl Aqtóbe oblysynyń shaǵyn ǵana bir aýdany jalpy sany 480 bas ıt-mysyqty tirkeý, emdeý hám pishtirý úshin 6 6 165 550.00 teńge qarjy jumsaǵan.
Bul qarjy az ba, kóp pe, ózińiz baǵamdaı berińiz?!
Qanat Birlikuly
Adyrna ulttyq portaly
