دوستار اراسىنداعى داۋ. توقتاسىنوۆ پەن جاقيانوۆقا قاتىستى سوت وتىرىسى قالاي ءوتتى؟

3629
Adyrna.kz Telegram

7 قىركۇيەك كۇنى الماتى قالاسى مەدەۋ اۋداندىق سوتىندا عالىمجان جاقيانوۆتىڭ تولەن توقتاسىنوۆ پەن ونىڭ جۇبايى الما توقتاسىنوۆاعا قاتىستى، ياعني ورتاق كاسىپتەگى ۇلەسىنە جارتىلاي تولەم رەتىندە ءوز ەركىمەن تولەگەن اقشانى ءوندىرۋ تۋرالى تالاپ ارىزى بويىنشا اشىق سوت پروتسەسى ءوتتى. سوت وتىرىسىنا «ادىرنا» ۇلتتىق پورتالى دا قاتىستى.

ساعات 11-دە باستالىپ، ءبىر جارىم ساعاتقا سوزىلعان سوت وتىرىسى اشىق تۇردە، قوعام بەلسەندىلەرى مەن ءباسپاسوزدىڭ قاتىسۋىمەن وتكىزىلدى. دەگەنمەن، ارىز بەرۋشى عالىمجان جاقيانوۆتىڭ ءوزى سوتتا توبە كورسەتپەدى.

ايتا كەتەيىك، تولەن توقتاسىنوۆ پەن عالىمجان جاقيانوۆ ەرتەدەن بەرى جاقسى ارالاسقان بەلگىلى تۇلعالار. 2000 جىلداردىڭ باسىندا وپپوزياتسيادان ورىن تاۋىپ، حالىقتىڭ ءسوزىن سويلەگەن جاندار. بۇل تۋرالى عالىمجان جاقيانوۆ ءوزىنىڭ «ءومىر بەلەستەرى» مەمۋارلىق كىتابىندا دا كەڭىنەن جازعان. دەگەنمەن، 30 جىل ارالاسقان دوستاردىڭ اراسىنان قارا مىسىق كەسىپ ءوتتى. ارازدىققا نە سەبەپ؟داۋدىڭ باسى نەدەن باستالدى؟

داۋدىڭ باسى – دوستار اراسىنداعى دوللارلار

تولەن توقتاسىنوۆ پەن عالىمجان جاقيانوۆ موڭعوليادا بىرگە ءجۇرىپ، ءبىراز جىل جۇمىس ىستەگەن. ەكەۋى كومپانيا باسقارىپ، كەيىن جولدارى ەكىگە ايىرىلعان. بۇل تۋرالى «ادىرنا» تىلشىسىنە تولەن توقتاسىنوۆ ايتىپ بەردى.

«موڭعوليادا ءبىز عالىمجان ەكەۋمىز بىرىگىپ جۇمىس ىستەيمىز دەگەن كەلىسىم بولدى. تاعى ءبىر ءۇشىنشى ادام بولدى. سول كەلىسىم بويىنشا، ارامىزدا كەلىسپەۋشىلىك ورىن الدى. عالىمجانعا «سەن بىزگە بىلدىرتپەي، جاسىرىن ءوز قالتاڭا اقشا الدىڭ. ءبىراز قارجىنى موڭعوليانىڭ ارتىندا تۇرعان وفشورلىق كومپانيانىڭ بانك شوتىندا قالدىردىڭ» دەگەن ايىپ تاقتىق.

وسى ماسەلەلەر بولعاننان كەيىن، ارامىزدا ءبىراز كەلىسپەۋشىلىك بولىپ، كەيىن عالىمجان ماعان ۇسىنىس تاستادى: «بۇل كومپانيادا ەكەۋمىزدىڭ بىرەۋمىز قالۋىمىز كەرەك»، دەدى. مەن بىردەن ءوزىمنىڭ شىعاتىنىمدى ايتىپ، عالىمجانعا ءوز ۇلەسىمدى ساتتىم. ول كەلىستى. كەيىن ول مەنىڭ ۇستىمنەن ارىز جازدى»، دەدى توقتاسىنوۆ.

7 قىركۇيەك كۇنى وتكەن سوتتا عالىمجان جاقيانوۆتىڭ تالاپ ارىزى بويىنشا ازاماتتىق ءىس قارالدى. ياعني، ول توقتاسىنوۆ تولەن مەن توقتاسىنوۆا المادان 462 500 اقش دوللارىن ءوندىرىپ الماق.

2019 جىلى 30 تامىزدا جاقيانوۆ پەن توقتاسىنوۆ اراسىندا  موڭعولياداعى ALGT جاۋاپكەرشىلىگى شەكتەۋلى سەرىكتەستىگىنىڭ 37,5% كولەمىندەگى ۇلەسىن ساتۋ-ساتىپ الۋ تۋرالى حاتتامالىق كەلىسىم راسىمدەلەدى. حاتتامالىق كەلىسىم شارتتارىنا سايكەس، تاراپتاردىڭ ۇلەس قۇنى 1 765 000 ء(بىر ميلليون جەتى ءجۇز الپىس بەس مىڭ) اقش دوللارىنا باعالاندى.

توقتاسىنوۆتىڭ ايتۋىنشا، كەلىسىمشارت ءماتىنىن جاقيانوۆتىڭ ءوزى جازعان. ەكەۋارا كەلىسىم WeChat مەسسەندجەرى ارقىلى وتكەن. كەلىسىم بولعاننان كەيىن، عالىمجان جاقيانوۆ ءبىرىنشى ترانشتى تولەگەن. توقتاسىنوۆ كومپانيانى باسقارۋدى عالىمجان جاقيانوۆقا بەرگەن، كەيىن جاقيانوۆ كەلىسىلگەن اقشانىڭ قالعان بولىگىن تولەۋدى دوعارعان. جاقيانوۆ «تولەن مەنى الدادى، ول كومپانيادا ۇلەسكەر ەمەس، ونى مەن بىلمەدىم» دەگەن جەلەۋمەن توقتاسىنوۆتىڭ ۇستىنەن ارىز تاستاعان.

جاقيانوۆ توقتاسىنوۆ پەن ونىڭ زايىبى الما توقتاسىنوۆاعا 462 500 اقش دوللارىن ءتۇرلى ترانشتارمەن تولەگەن. وسىلايشا، جاقيانوۆ توقتاسىنوۆپەن موڭعولياداعى «اLGT» جاۋاپكەرشىلىگى شەكتەۋلى سەرىكتەستىگىنىڭ 37,5% مولشەرىندەگى ۇلەسىن ساتۋ-ساتىپ الۋ تۋرالى حاتتامالىق شارت جاساسىپ، وسىنشاما سومانى تولەگەننەن كەيىن، قايتا قايتارىپ الۋدى تالاپ ەتىپ ارىز جازادى.  

سوت بارىسىندا «Quinton» وففشورلىق كومپانياسىتۋرالى دا ايتىلادى.  ول موڭعولدىق ALGTكومپانياسىنىڭ 100% يەلىگىندە. الما توقتاسىنوۆانىڭ ايتۋىنشا، تولەن توقتاسىنوۆتىڭ ول كومپانيادا 50% يەلىگى بار. جاقيانوۆتىڭ قورعاۋشىسى بانكتىك قۇپيا بولسا دا، الما توقتاسىنوۆانىڭ بانك شوتتارىنىڭ دەرەكتەمەلەرءىن جاريا ەتۋدى تالاپ ەتتى. بىراق، سوت ولاردى قابىلدامادى.

سونداي-اق، سوت ۇيعارىمىمەن ءۇشىنشى تۇلعالار رەتىندە ALGT.Co, Ltd جاۋاپكەرشىلىگى شەكتەۋلى سەرىكتەستىگى، QUINTON OVERSEAS LTD كومپانياسى، ALGT كومپانياسىنىڭ ناقتى قاتىسۋشىسى تاگير سيسينباەۆ، سونداي-اق,قوعامنىڭ كرەديتورى مۇحامەتقالي وسپانوۆ تارتىلدى. ولار جاقيانوۆتىڭ وكىلى رەتىندە قاتىستى. سوت بارىسىندا ەكى جاق تاراپتىڭ ادۆوكاتتارى بىرقاتار وتىنىمدەر بەردى. الدا سوت ولاردى قايتا قاراماق.

«بۇل سوت – ءپرينتسيپتى ماسەلە»

«مەن ءبىر سۇحباتىمدا ايتتىم، بۇگىنگى بولعان جاعدايعا ەش وكىنبەيمىن. عالىمجان جاقيانوۆپەن ءبىز 30 جىلدان استام دوس بولدىق. ونى قازاقستاندىقتار جاقسى بىلەدى. ال بۇگىنگى جاعداي وسىنداي بولىپ وتىر. ءبىز مۇنداي جاعداي بولماسا، عالىمجان جاقيانوۆتى تۇلعا رەتىندە ءوز قولىمىزبەن اق كيىزگە وتىرعىزىپ, تاققا شىعارۋشى ەدىك.

سوت پروتسەسىنىڭ جالعاسى بولادى. بۇل سوت – دۇنيە ءۇشىن دەپ ايتىلادى. بۇل – دۇنيە , اقشا ءۇشىن ەمەس. بۇل سوت – ءپرينتسيپتى ماسەلە، شىندىققا اكەلەدى. الداعى سوتقا سىزدەر دە قاتىسىپ كورسەڭىزدەر بولادى، ءبىزدىڭ ارامىزدا بولعان حاتتارىمىز، دالەلدەرىمىز بار، سولاردى كورسەتەمىز»، - دەدى توقتاسىنوۆ سوت پروتسەسىنەن كەيىن «ادىرناعا» بەرگەن سۇحباتىندا.

جاقيانوۆ سوتقا نەگە كەلمەدى?

تولەن توقتاسىنوۆتىڭ ءوتىنىشى بويىنشا، ءباسپاسوز وكىلدەرىنىڭ قاتىسۋىمەن سوت اشىق تۇردە ءوتتى. دەگەنمەن، جاقيانوۆ سوتتىڭ اشىق وتۋىنە قارسى بولعان. ءتىپتى، ءوزى سوت وتىرىسىنا كەلمەدى. قورعاۋشىسىنىڭ ايتۋىنشا، سوتقا كەلمەۋى جاقيانوۆتىڭ تالابى بولىپتى.

«جاقيانوۆ قوعام قايراتكەرى ءارى حالىققا تانىلعان تۇلعا بولا تۇرا، تولەن بۇعان دايىن بولسا دا، ونىمەن اشىق جۇزدەسىپ، بەتپە-بەت سۇحبات بەرۋدەن ءالى دە جالتارادى. سوت وتىرىسىنىڭ مەرزىمى 2 اپتا بۇرىن بەلگىلەنەدى. ول موڭعوليادا دەگەن بولجام بار. ەگەر سوندا بولسا، موڭعوليادان ۇشاقتار ءجيى ۇشادى. قالاسا، حالىق الدىندا اق بولسا، سوتقا قاتىسار ەدى»، - دەدى الما توقتاسىنوۆا.

ايتىپ وتكەنىمىزدەي، سوتقا ءباسپاسوز وكىلدەرىنەنبولەك، قوعام بەلسەندىلەرى دە قاتىستى. كاسىپكەر، قوعام بەلسەندىسى احمەتبەك نۇرسيلا سوت وتىرىسىندا بولىپ، ەكى دوستىڭ اقشا ءۇشىن جانجالداسقاندارىنا قاپالى ەكەنىن ايتتى.

«مەن عالىمجاندى دا، تولەندى دە 90-شى جىلداردان بەرى بىلەمىن.ەكەۋىن ايىرىپ جاتقان – قۋ اقشا، قۋ دۇنيە. ەندى بۇل اعايىننىڭ نەمەسە اۋىلدىڭ اراسىندا بولىپ جاتقان اڭگىمە ەمەس، بۇل بۇكىل قازاق جۇرتىنا تاراپ كەتتى. ەكەۋىن  30-دان اسقان كوزى اشىق، كوكىرەگى وياۋ ازاماتتاردىڭ كوبى بىلەدى. ەل ءۇشىن ءبىر كەزدەرى باستارىن بايگەگە تىگىپ، بيلىككە قارسى شاۋىپ جۇرگەن قاندى كويلەك دوستار ەدى. ەندى بۇگىن ءبىر-بىرىمەن قىرقىسىپ، سوتتاسىپ، بۇكىل ەلگە ماسقارا بولىپ جاتىر.

قازىرگى بولىپ جاتقان سوت پروتسەسى عالىمجاننىڭ «مەن بايقاماي بەرىپ جىبەرىپپىن اقشانى، بۇل كومپانياعا تولەننىڭ قاتىسى جوق ەكەن» دەگەن اڭگىمەسىمەن بەرىلىپ جاتىر. قالاي 12 جىل وتانىنا كەلمەي، موڭعوليادا جۇمىس ىستەپ جۇرگەن ازاماتتىڭ مۇلدە ول كومپانيادا ۇلەسى جوق دەگەنگە كىم سەنەدى؟ 400 مىڭ دوللار 400 تەڭگە ەمەس قوي؟!  ەڭ وكىنىشتىسى، وسى 60-تان جاسى اسقان، ءبىر كەزدەرى ەل ءۇشىن، دەموكراتيا ءۇشىن جەمقورلىقپەن كۇرەسەمىز، ادال بولامىز دەگەن ەل تانيتىن ازاماتتاردىڭ بۇگىن تيىن ءۇشىن ءبىر-بىرىمەن بەت جىرتىسىپ، جاعاسىنان الىپ، سوتتاسىپ جاتقانى، ارينە، جانعا باتادى. سوت ءادىل شەشىمىن شىعارادى دەگەن ءۇمىتىمىز زور»، - دەدى احمەتبەك نۇرسيلا.

سونىمەن قاتار، تولەن توقتاسىنوۆتىڭ دوسى، زەينەتكەر سارىپوۆ ايداربەك تە سوت وتىرىسنا قاتىستى. ونىڭ ايتۋىنشا، جاقيانوۆتىڭ ارەكەتى توقتاسىنوۆقا تاعىلعان جالا.

«تولەننىڭ وتباسىن 80-ءشى جىلداردان باستاپ بىلەمىن. جالعىز مەن ەمەس، تولەننىڭ قانداي ەكەنىن سەمەي حالقىنىڭ بارلىعى بىلەدى. قازىر بولىپ جاتقان سوت پروتسەسى دۇرىس شەشىلەدى دەپ ويلايمىن. سەمەي قالاسىندا تولەننىڭ جۇمىسىندا مەنىڭ جولداسىم كومەكشىسى بولىپ قىزمەت ىستەدى.

مىناۋ ءىستولەننىڭ ۇستىنە جابىلىپ جاتىرعان اشىق جالا. بۇل – دۇرىس ەمەس. ىڭعايسىز، ۇيات جاعداي بولىپ تۇر. ءبىر نۇكتەسى قويىلۋى كەرەك. تولەن نازارباەۆتىڭ كەزىندە موڭعولياعا كەلگەنىن بىلەمىز. سوندا كومپانياسىن 0-دەن باستادى. موڭعوليانىڭ ءىرى كاسىپكەرلەرى دە بىلەدى. ول جاقتاعىلار دا جاقسى پىكىرىن ءبىلدىرىپ جاتىر. سوت دۇرىس شەشىم شىعارادى دەپ ويلايمىن. اققا قۇداي جاق. ال جاقيانوۆ تۋرالى ەشتەڭە ايتا المايمىن»، - دەدى ايداربەك سارىپبايۇلى.

ەسكە سالايىق، قاڭتار ايىندا «ادىرنانىڭ» يۋتۋب ارناسىنا سۇحبات بەرگەن تولەن توقتاسىنوۆ قاندى كويلەك دوسى، ومىردە دە، كاسىپتە دە بىرگە جۇرگەن عالىمجان جاقيانوۆ تۋرالى ايتىپ بەرگەن ەدى. كەيىن جاقيانوۆ ەسكى دوسىنىڭ وسى سۇحباتى شابىنا ءتيىپ كەتسە كەرەك، جاۋابىن الەۋمەتتىك جەلىگە جازباشا جاريالادى. ارينە، توقتاسىنوۆتىڭ ءسوزىنىڭ ءبارىن تەرىسكە شىعارىپ، ءۋاجءىن ايتتى. تولەن توقتاسىنوۆتىڭ سۇحباتىنان كەيىن، “ادىرنا” ۇلتتىق پورتالى عالىمجان جاقيانوۆقا الاڭ ۇسىنىپ، سۇحبات بەرۋىن سۇرادى. الايدا ول وعان وڭ جاۋابىن بەرمەي، "ادىرنا" پورتالىنىڭ ۇستىنەن ارىز تاستاپ ۇلگەردى. قىسقاسى، دوستار اراسىنداعى داۋدىڭ شەشىمى الداعى سوتتا جالعاسىن تاپپاق. سوت وتىرىسى قاشان بولاتىنى بەلگىسىز.

”ادىرنا” ۇلتتىق پورتالى

 

 

Реклама
  • ИП Попов А.П.
  • ИНН: 602715631406
Пьяные что ли? Пугачева с мужем шокировали своим развратом
Реклама
  • ИП Попов А.П.
  • ИНН: 602715631406
Танец на выпускном взорвал сеть: смотреть без детей
Реклама
  • ИП Попов А.П.
  • ИНН: 602715631406
У мужчин челюсти отвалились, когда они увидели ее страстный танец
پىكىرلەر