مانەرلەپ سىرعاناۋشى دەنيس تەندى ءولتىرۋ ءىسى بويىنشا سوتتالعان جانار تولىباەۆا بوستاندىققا شىقتى دەپ حابارلايدى «ادىرنا» ۇلتتىق پورتالى Abai.kz-كە سىلتەمە جاساپ.
جازاسىنىڭ وتەلمەگەن بولىگى باس بوستاندىعىن شەكتەۋگە اۋىستىرىلدى.
سوتتالۋشى جانار تولىباەۆانىڭ قاڭتاردا قىلمىستىق كودەكستىڭ 73-بابى نەگىزىندە جازانىڭ وتەلمەگەن بولىگىن نەعۇرلىم جەڭىل جازاعا اۋىستىرۋ تۋرالى ءوتىنىش بەرگەنى تۋرالى حابارلاندى.
الماتى وبلىسى ىلە اۋداندىق سوتىنىڭ شەشىمى بويىنشا، 2020 جىلى 6 قاڭتاردا قىزدىڭ ءوتىنىشى قاناعاتتاندىرىلدى. باس بوستاندىعىن شەكتەۋ تۇرىندەگى جازانى وتەۋدى باقىلاۋ پروباتسيا قىزمەتىنە جۇكتەلگەن.
ايتا كەتەيىك، تولىباەۆا قىلمىس تۋرالى حابارلاماعانى ءۇشىن 2019 جىلى قاڭتاردا 4 جىلعا باس بوستاندىعىنان ايىرىلعان. سول جىلى 6 ناۋرىزدا الماتى كولونياسىندا جازاسىن وتەپ جاتقان جانار تولىباەۆا ەكىنشى بالاسىن دۇنيەگە اكەلگەن بولاتىن.
ۇقساس جاڭالىقتار
