بولات نازارباەۆتىڭ سىبايلاسى دەلىنەتىن ەلدوس قوسپاەۆ ۇستالىپ، ەلگە اكەلىندى

2833
Adyrna.kz Telegram

حالىقارالىق ىزدەۋدە جۇرگەن كۇدىكتىلەر ەلدوس قوسپاەۆ جانە ول باستاعان قىلمىستىق توپتىڭ 7 مۇشەسى ۇستالدى. بۇل تۋرالى ۇلتتىق قاۋىپسىزدىك كوميتەتىنىڭ ءباسپاسوز قىزمەتى ايتتى, دەپ حابارلايدى «ادىرنا» ءتىلشىسى.

«كوميتەتتىڭ 2023 جىلعى 6 قىركۇيەكتە جۇزەگە اسىرعان وپەراتسياسىنىڭ قورىتىندىسى بويىنشا سولتۇستىك كيپردەن قازاقستانعا ەلدوس كوسپاەۆ جانە ول باستاعان قىلمىستىق توپتىڭ 7 مۇشەسى جەتكىزىلدى.

اتالعان ادامداردى بۇعان دەيىن قارجىلىق مونيتورينگ اگەنتتىگى رەيدەرلىك جاسادى، ۇيىمداسقان قىلمىستىق توپتى قۇردى جانە وعان قاتىستى دەگەن كۇدىكپەن حالىقارالىق ىزدەستىرۋگە جاريالاعان بولاتىن»،—دەلىنگەن حابارلامادا.

كۇدىكتىلەر ۇلتتىق قاۋىپسىزدىك كوميتەتىنىڭ «ا» ارنايى ماقساتتاعى قىزمەتىنىڭ جاۋىنگەرلەرىنىڭ ايداۋىلىمەن استانا قالاسىنا جەتكىزىلدى جانە قىلمىستىق قۋدالاۋ ورگانىنىڭ قىزمەتكەرلەرىنە بەرىلدى.

ايتا كەتەيىك، قىلمىستىق توپقا وتكەن جىلى ىزدەۋ جاريالاندى.

بۇعان دەيىن بىرقاتار باق ەلدوس قوسپاەۆ بولات نازارباەۆتىڭ كومەكشىسى ەكەنىن جازعان ەدى.

پىكىرلەر