مەكتەپ وقۋشىسىنىڭ زورلانۋىنا قاتىستى جاڭا مالىمەتتەر جاريالاندى

248
Adyrna.kz Telegram
https://adyrna.kz/storage/uploads/5eWDzzTAMCkB4r6PCqBXgSpqVfFUsmX7gqav04a0.jpg

فوتو: جي

5-سىنىپ وقۋشىسىنا قاتىستى بولۋى مۇمكىن سەكسۋالدىق زورلىق-زومبىلىق دەرەگى بويىنشا جاڭا مالىمەتتەر بەلگىلى بولدى، دەپ حابارلايدى “ادىرنا”. 

وقيعا قوستاناي وبلىسىنداعى اۋىلداردىڭ بىرىندە بولعان.

ينفورمبيۋرو دەرەگىنشە، جابىرلەنۋشى تاراپتىڭ ادۆوكاتى ءىستىڭ جان-جاقتى ءارى ءادىل تەرگەلۋىن، سونداي-اق ىسكە قاتىسى بار دەلىنگەن كامەلەتكە تولماعان بالالاردىڭ قۇقىقتارى ساقتالۋىن تالاپ ەتىپ وتىر.

بۇعان دەيىن الەۋمەتتىك جەلىلەردە 11 جاستاعى بالانىڭ مەكتەپ اۋماعىندا زورلىق-زومبىلىققا ۇشىراعانى تۋرالى اقپارات تاراعان ەدى. ادۆوكاتتىڭ مالىمەتىنشە، كۇدىكتى رەتىندە اتالعان بالالار جابىرلەنۋشىنىڭ سىنىپتاستارى. قازىر پوليتسيا اتالعان دەرەك بويىنشا تەرگەۋ جۇرگىزىپ جاتىر.

اقتوبە وبلىسى زاڭ كونسۋلتانتتارى پالاتاسىنىڭ مۇشەسى، زاڭگەر دامير مۇراتتىڭ ايتۋىنشا، وقيعادان كەيىن بالالار مەكتەپكە بارماي، ۇيدە وتىر. ولاردىڭ وقۋىن قالاي جالعاستىراتىنى ازىرگە بەلگىسىز. سەبەبى شاعىن اۋىل مەكتەبىندە جابىرلەنۋشى مەن وقيعاعا قاتىسى بار دەلىنگەن بالالاردىڭ قايتا كەزدەسۋى مۇمكىن.

زاڭگەر بۇل ماسەلە بويىنشا مەكتەپ اكىمشىلىگى مەن ديرەكتورىنا جۇگىنگەنىمەن، ازىرگە ناقتى جاۋاپ الا الماعان.

ونىڭ سوزىنشە، ءىستىڭ قوزعالۋىنا وقۋ-اعارتۋ مينيسترلىگىنىڭ ارالاسۋى ىقپال ەتكەن. ۆەدومستۆو جابىرلەنۋشىنىڭ وتباسىنا قولداۋ كورسەتىپ، بالاعا پسيحولوگيالىق كومەك ۇيىمداستىرعان.

اتالعان فاكتى بويىنشا كامەلەتكە تولماعان ادامعا قاتىستى ادامدار توبى جاساعان سەكسۋالدىق سيپاتتاعى زورلىق ارەكەتتەرى دەرەگىمەن قىلمىستىق ءىس قوزعالعان.

جابىرلەنۋشىنىڭ اناسى كومەك سۇراپ، اقتوبە وبلىسىنداعى زاڭگەرگە جۇگىنگەن. زاڭگەردىڭ مالىمەتىنشە، قازىر قىلمىستىق ءىس پروكۋراتۋرانىڭ باقىلاۋىندا.

پىكىرلەر