استانادا وتكەن «قايرات» – «بريۋگگە» فۋتبول ماتچىندا «بوراتشا كيىنگەن» شەتەلدىك جانكۇيەرلەر ۇستالدى، دەپ حابارلايدى «ادىرنا» ءتىلشىسى.
3 شەتەل ازاماتى ستاديوندا كيىمدەرىن شەشىپ، «بورات» فيلمىندە كەڭىنەن تانىلعان شومىلۋ كيىمىمەن كوپشىلىككە كورىنگەن. ولاردىڭ ارەكەتى قازنەت قولدانۋشىلارىنىڭ اشۋىن تۋعىزدى.
قالالىق پوليتسيا دەپارتامەنتى بۇل جاعدايعا تۇسىنىكتەمە بەردى. ايتۋلارىنشا، ەر ادامدار اينالاسىنداعىلارعا قۇرمەت كورسەتپەيتىن جانە قوعامدىق ءتارتىپتى بۇزاتىن ارەكەتتەر جاساعان.
پوليتسيا قىزمەتكەرلەرى ءۇش شەتەلدىك جانكۇيەردى ۇستاپ، پوليتسيا بولىمىنە جەتكىزگەن.
«قوعامدىق ورىندا ماس كۇيدە بولۋ جانە كىشىگىرىم بۇزاقىلىق ارەكەت جاساعانى ءۇشىن اكىمشىلىك ءىس قوزعالىپ، ماتەريالدار سوتقا قاراۋ ءۇشىن جىبەرىلدى»،-دەلىنگەن حابارلامادا.
ەسكە سالايىق، الماتىنىڭ «قايراتى» چەمپيوندار ليگاسىنىڭ ءوز الاڭىنداعى ماتچىندا بەلگيانىڭ «بريۋگگە» كلۋبىنان جەڭىلگەن ەدى.
