كەزەكتەن تىس پرەزيدەنتتىك سايلاۋ كەزىندە الماتىدا تىركەلمەگەن دەموكراتيالىق پارتيانىڭ بەلسەندىلەرى ميتينگ ۇيىمداستىردى، دەپ حابارلايدى “ادىرنا” ءتىلشىسى.
اباي ەسكەرتكىشىنىڭ تۇبىنە رۇقسات ەتىلمەگەن شاراعا شىققانداردى پوليتسيا بىردەن بولىمشەلەرگە الىپ كەتكەن.
“وسىعان بايلانىستى ىشكى ىستەر ورگاندارى قوعامدىق ءتارتىپتى بۇزۋ دەرەكتەرىنىڭ جولىن كەسۋ ءۇشىن زاڭنامادا كوزدەلگەن شارالاردى قابىلدادى. رۇقسات ەتىلمەگەن ارەكەتتەردى ۇيىمداستىرۋشىلار مەن بەلسەندى قاتىسۋشىلار ىشكى ىستەر ورگاندارىنا جەتكىزىلىپ وتىردى. ولاردىڭ كەيبىرەۋلەرى ازاماتتىق جانە ساياسي قۇقىقتار تۋرالى حالىقارالىق اكتىنىڭ، سوت ۇكىمىنىڭ مينيمۋمى جانە رۇقسات ەتۋ تۋرالى تالاپتارى ەسكەرىلىپ، اكىمشىلىك جاۋاپكەرشىلىككە تارتىلسا، كەيبىرى پروفيلاكتيكالىق اڭگىمەلەسۋدەن كەيىن بوساتىلدى”، - دەدى قالالىق پد رەسمي وكىلى سالتانات ازىربەك.
ونىڭ ايتۋىنشا، پوليتسيا قىزمەتكەرلەرى ءجونسىز كۇش قولدانباي، زاڭعا سايكەس ارەكەت ەتكەن.
«ءتارتىپ ساقشىلارى ازاماتتارمەن قارىم-قاتىناس كەزىندە ءوزىن بارىنشا دۇرىس ۇستادى. قۇقىق بۇزۋشىلاردى بولىمشەلەرگە جەتكىزۋ كەزىندە ارنايى قۇرالدار قولدانىلمادى»، - دەدى سالتانات ازىربەك.
