كەيىنگى كەزدە باسى داۋدان ارىلماعان “التىن وردا” بازارىنىڭ باسشىلىعى رەداكتسياعا ۆيدەو مالىمدەمە جولداپتى. مالىمدەمەدە جالعا بەرۋ كەلىسىم-شارتىنىڭ بۇزىلعانى ايتىلادى، دەپ حابارلايدى "ادىرنا" ۇلتتىق پورتالى.
ۆيدەودا “كومپانيا نومەر ودين” جشس وكىلى بازىناسىن ايتىپ، مالىمدەمە جاسايدى.
ۆيدەو اۆتورى ءوز سوزىندە "التىن وردا" بازارىنا ءتان كۇردەلى ماسەلەلەردىڭ ۇكىمەت وتىرىسىندا قاراستىرىلعانىن، پرەمەر-ءمينيستردىڭ نارىقتا جەرگىلىكتى سيپاتتى وليگوپوليا بارىن ايتقانىن، ونى باقىلاۋدىڭ مۇمكىن بولماي تۇرعانىن ەسكە سالادى. باس پروكۋراتۋرا مەن مەملەكەتتىك ورگانداردىڭ تەكسەرىسى ناتيجەسىندە 300-دەن استام زاڭبۇزۋشىلىق دەرەكتەرى انىقتالعانىن حابارلايدى. سونىمەن قاتار كاسىپكەرلەردىڭ ءوز ءىسىن دوڭگەلەتىپ اكەتۋىنە قاجەتتى جاعدايدىڭ جوعىن حابارلايدى. مۇنىڭ اقىرى باعالاردىڭ وسۋىنە اكەلەتىنىن جەتكىزىپ، نازار اۋدارتارلىق مالىمدەمە جاسايدى.
ۆيدەو مالىمدەمەگە سەنسەك، بازاردى دانيار الپيەۆ باسقاراتىن “Altyn Orda new company” مەكەمەسى جالعا الىپ تۇرعان. ۆيدەودا جالعا بەرۋشى “كومپانيا نومەر ودين” جشس زاڭگەرى ءىزباسار ۋتەۋلين جالعا بەرۋ كەلىسىم-شارتىن بۇزىلاتىندىعىن مالىمدەپ وتىر. سونىمەن قاتار، ۋتەۋليننىڭ ايتۋىنشا، الپيەۆ تە مەنشىك يەسى بولىپ قالماق.
قازىرگى بازاردىڭ جالپى اۋدانى 180 مىڭ شارشى مەتر. وبلىس اكىمىنىڭ ءباسپاسوز قىزمەتىنىڭ مالىمەتىنشە، جالعا الۋشىلار سانى 4540-قا جەتكەن. نارىقتان ناپاقاسىن تاۋىپ جۇرگەندەردىڭ ايتۋىنشا، بازاردا كۇندىزگى ورىن جالداۋ اقىسى، شامامەن، 3 مىڭ تەڭگە.
ەستەرىڭىزگە سالا كەتەيىك، وتكەندە الماتىداعى "التىنوردا" بازارىنا بەلگىسىز بىرەۋلەردىڭ شابۋىلداعانى جايلى جازعانبىز. بازاردا بەتىن بۇركەمەلەپ، ۇستەرىنە كامۋفلياج ءتۇستى كيىم كيگەن ونداعان ادام بازارداعى نىسانداردى سىندىرعانى ايتىلادى.View this post on Instagram
"ادىرنا" ۇلتتىق پورتالى
ۇقساس جاڭالىقتار
الماتى قالاسى
بولات نازارباەۆ
دانيار الپيەۆ
التىن وردا بازارى
الەۋمەتتىك جاعداي
وردا بازار
قىلمىستار
بازاردى جالعا الۋ
التىن وردا باسشىلىعى
