Bolat Nazarbaevtyń sybaılasy delinetin Eldos Qospaev ustalyp, elge ákelindi

2831
Adyrna.kz Telegram

Halyqaralyq izdeýde júrgen kúdiktiler Eldos Qospaev jáne ol bastaǵan qylmystyq toptyń 7 múshesi ustaldy. Bul týraly Ulttyq qaýipsizdik komıtetiniń baspasóz qyzmeti aıtty, dep habarlaıdy «Adyrna» tilshisi.

«Komıtettiń 2023 jylǵy 6 qyrkúıekte júzege asyrǵan operaııasynyń qorytyndysy boıynsha Soltústik Kıprden Qazaqstanǵa Eldos Kospaev jáne ol bastaǵan qylmystyq toptyń 7 múshesi jetkizildi.

Atalǵan adamdardy buǵan deıin Qarjylyq monıtorıng agenttigi reıderlik jasady, uıymdasqan qylmystyq topty qurdy jáne oǵan qatysty degen kúdikpen halyqaralyq izdestirýge jarııalaǵan bolatyn»,—delingen habarlamada.

Kúdiktiler Ulttyq qaýipsizdik komıtetiniń «A» arnaıy maqsattaǵy qyzmetiniń jaýyngerleriniń aıdaýylymen Astana qalasyna jetkizildi jáne qylmystyq qýdalaý organynyń qyzmetkerlerine berildi.

Aıta keteıik, qylmystyq topqa ótken jyly izdeý jarııalandy.

Buǵan deıin birqatar BAQ Eldos Qospaev Bolat Nazarbaevtyń kómekshisi ekenin jazǵan edi.

Pikirler