تالدىقورعان قالاسىنداعى نازارباەۆ زياتكەرلىك مەكتەبىنىڭ 11-سىنىپ وقۋشىلارى QazAstroShift رەسپۋبليكالىق زىمىران قۇراستىرۋ بايقاۋىنان جەڭىمپاز اتاندى. جارىس استانا قالاسىندا ءوتتى. ەلىمىزدىڭ تۇكپىر-تۇكپىرىنەن كەلگەن 122 كوماندا «ۇزدىك» اتاعى ءۇشىن كۇرەستى.
تولعاناي اسەتحان، نۇرسۇلتان ەرلانۇلى، ارنۇر ەمبەرگەن جوعارى جىلدامدىقتاعى زىمىراننىڭ ۇلگىسىن قۇراستىردى. جاس ينجەنەرلەر مەكتەپتەگى روبوتوتەحنيكا شەبەرحاناسىندا ەكى اي بويى جوبامەن جۇمىس ىستەدى.
بايقاۋ قورىتىندىسى بويىنشا تالدىقورعانداعى NIS كومانداسى «ەڭ تۇراقتى ۇشۋ» نوميناتسياسىمەن 2 ورىندى يەلەندى، سونىمەن قاتار ساتباەۆ ۋنيۆەرسيتەتىنىڭ ءبىلىم گرانتتارىن جەڭىپ الدى.
QazAstroShift زىمىراندىق عىلىمدار سايىسى ءتورت كەزەڭنەن تۇردى. فينالعا ون كوماندا ءوتتى. زىمىراننىڭ ۇلگىسىن ۇسىنۋ، ونىڭ ۇشىرىلۋى بايقاۋدا باستى شارت بولدى، جوبانىڭ ديزاينى دا ەسكەرىلدى.
— جىلدا ءبىزدىڭ وقۋشىلار روبوتوتەحنيكا سالاسى بويىنشا جوبالاردى جاساپ، رەسپۋبليكا كولەمىندە عانا ەمەس، حالىقارالىق دەڭگەيدە دە جۇلدەلى ورىندارعا يە بولۋدا. بۇل جولى ءبىزدى عارىش سالاسى، زىمىرانتانۋ تاقىرىبى قىزىقتىردى. توپتىق جۇمىس پەن روبوتوتەحنيكا سالاسىنداعى ءبىلىمنىڭ ارقاسىندا ءبىز العا قويىلعان مىندەتتەردى ورىنداي الدىق، — دەپ تالدىقورعانداعى NIS كومانداسى ءوز پىكىرلەرىن ءبىلدىردى.
