استانادا ايەلىنە اشۋلانعان ەر ادام مەشىتكە كەلىپ، ناماز وقىپ وتىرعان يمامدى 13 جەردەن پىشاقتاپ تاستادى. كوپشىلىك يمامدى “ۋاحابيست” بولعان دەگەن قاۋەسەت تاراتۋدا. سۇمدىق جايت تۋرالى قالانىڭ پوليتسيا دەپارتامەنتى جاريالادى، دەپ حابارلايدى “ادىرنا” ۇلتتىق پورتالى.
بەلگىلى بولعانداي، 1990 جىلى تۋعان جىبەك جولى اۋىلىنىڭ تۇرعىنى ايەلىمەن ۇرىسىپ قالىپ، ەلوردالىق مەشىتكە بارعان. ول مەشىتتە ايەلىمەن شاريعات جولىمەن اجىراسپاق بولعان.
«اشۋ ۇستىندە كەلىپ، ناماز وقىپ جاتقان يمامعا پىشاق ۇرعان. ەر ادام ۇستالدى، استانا قالاسى پد الماتى اۋدانىنىڭ ۋاقىتشا ۇستاۋ يزولياتورىنا قامالدى. قازىرگى كۇنى تەرگەۋ ءجۇرىپ جاتىر»، — دەپ مالىمدەدى ۆەدومستۆونىڭ ءباسپاسوز قىزمەتى.
سونداي-اق، قازىرگى تاڭدا يمامنىڭ اۋرۋحاناعا جاتقىزىلعانى ءارى جاعدايى اۋىر ەكەنى حابارلانادى. ال كۇدىكتىنىڭ ايەلى ۇيدە وتىرىپ، سۋيتسيد جاساماق بولىپ، سىركە سۋىن ىشكەن.
بۇگىنگى كۇنى ول استاناداعى 1 قالالىق اۋرۋحاناسىنا جاتقىزىلعان.
