Taldyqorǵan qalasyndaǵy Nazarbaev Zııatkerlik mektebiniń 11-synyp oqýshylary QazAstroShift Respýblıkalyq zymyran qurastyrý baıqaýynan jeńimpaz atandy. Jarys Astana qalasynda ótti. Elimizdiń túkpir-túkpirinen kelgen 122 komanda «Úzdik» ataǵy úshin kúresti.
Tolǵanaı Ásethan, Nursultan Erlanuly, Arnur Embergen joǵary jyldamdyqtaǵy zymyrannyń úlgisin qurastyrdy. Jas ınjenerler mekteptegi robototehnıka sheberhanasynda eki aı boıy jobamen jumys istedi.
Baıqaý qorytyndysy boıynsha Taldyqorǵandaǵy NIS komandasy «Eń turaqty ushý» nomınaııasymen 2 oryndy ıelendi, sonymen qatar Sátbaev ýnıversıtetiniń bilim granttaryn jeńip aldy.
QazAstroShift zymyrandyq ǵylymdar saıysy tórt kezeńnen turdy. Fınalǵa on komanda ótti. Zymyrannyń úlgisin usyný, onyń ushyrylýy baıqaýda basty shart boldy, jobanyń dızaıny da eskerildi.
— Jylda bizdiń oqýshylar robototehnıka salasy boıynsha jobalardy jasap, respýblıka kóleminde ǵana emes, halyqaralyq deńgeıde de júldeli oryndarǵa ıe bolýda. Bul joly bizdi ǵarysh salasy, zymyrantaný taqyryby qyzyqtyrdy. Toptyq jumys pen robototehnıka salasyndaǵy bilimniń arqasynda biz alǵa qoıylǵan mindetterdi oryndaı aldyq, — dep Taldyqorǵandaǵy NIS komandasy óz pikirlerin bildirdi.
