استانادا 25 جاستاعى ەر ادام ماس كۇيىندە تۇرعىن ءۇي اۋلاسىندا گازدى تاپانشادان بىرنەشە رەت وق اتتى، دەپ حابارلايدى "ادىرنا" ۇلتتىق پورتالى.
ۆيدەودا قولىندا قارۋى بار ەر ادامنىڭ بىرنەشە رەت وق اتىپ، تۇراقتاعى كولىكتەردىڭ بىرىنە تيگىزگەنى كورىنەدى. بۇدان سوڭ ول تاپانشانى ءوز باسىنا تاقاپ، قورشاعان ادامداردى ودان ءارى شوشىتقان.
استانا قالالىق پوليتسيا دەپارتامەنتىنىڭ مالىمەتىنشە، وقيعا كوپقاباتتى تۇرعىن ۇيلەردىڭ ءبىرىنىڭ اۋلاسىندا بولعان.
"بۇل فاكت بويىنشا 25 جاستاعى ەلوردا تۇرعىنى ۇستالدى. ونىڭ ماس كۇيىندە گازدى تاپانشادان بىرنەشە رەت وق اتقانى انىقتالدى. قارۋ تاركىلەندى", – دەدى ۆەدومستۆو وكىلدەرى.
كۇدىكتى ۋاقىتشا ۇستاۋ يزولياتورىنا قامالدى. قازىر بارلىق ماتەريالدار سوتقا جولداندى.
ۇقساس جاڭالىقتار
