ورال قالاسىنىڭ اكىمى قىزمەتتەن كەتتى، دەپ حابارلايدى "ادىرنا" ۇلتتىق پورتالى.
ميرجان ساتقانوۆ ءوز ەركىمەن قىزمەتىنەن قىزمەتىنەن كەتكەنىن جەلىدەگى پاراقشاسىندا جازدى.
"دەنساۋلىعىما بايلانىستى بۇدان دا ەرتەرەك زەينەتكە شىعۋىم كەرەك ەدى. الايدا قالا قيىن جاعدايدا قالدى. كوكتەمگى سۋ تاسقىنى قالا تۇرعىندارىن تابيعي اپاتقا قارسى بىرىكتىردى. قالا ءۇشىن وسىنداي قيىن-قىستاۋ كەزەڭدە مەن دە جۇمىستان شىعا الماي، ارىپتەستەرىممەن يىق تىرەستىرە وتىرىپ، ءوز مىندەتىمدى اتقارا بەردىم", – دەپ جازدى ميرجان ساتقانوۆ Facebook پاراقشاسىندا.
ورالدىڭ ەكس-اكىمى جاڭا باسشىعا ءۇمىت ارتاتىنىن ايتتى.
"قازىر بارلىق سالادا جۇمىس جولعا قويىلدى، مەن قالانىڭ جاڭا باسشىسى وزەكتى ماسەلەلەردى تەز ءتۇسىنىپ، الداعى ۋاقىتتا ورال ءۇشىن جاڭا جوبالارعا باستاماشى بولاتىنىنا سەنىممەن اكىم قىزمەتىنەن كەتىپ جاتىرمىن", – دەدى ساتقانوۆ.
ميرجان ساتقانوۆ ەكى جىلدان استام ۋاقىت بويى ورال قالاسىنىڭ اكىمى بولدى.
