قر عىلىم جانە جوعارى ءبىلىم مينيسترلىگىنىڭ رەسمي سايتىندا مەن الەۋمەتتىك جەلىلەرىندە ءبىلىم گرانتى يەگەرلەرىنىڭ ءتىزىمى جاريالاندى، دەپ حاباارلايدى "ادىرنا" ۇلتتىق پورتالى.
گرانتتاردى تاعايىنداۋ كونكۋرسىنا قاتىسۋ ءۇشىن 94 مىڭ تالاپكەر قۇجات تاپسىرعان. كورسەتكىش وتكەن جىلمەن سالىستىرعاندا 14 مىڭعا ارتىق.
تاعى ءبىر ەرەكشەلىگى، بيىل مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس حالىق تىعىز قونىستانعان باتىس جانە جاڭادان قۇرىلعان وڭىرلەردىڭ جاستارى ءۇشىن گرانتتار ءبولىندى. پەداگوگيكالىق، ينجەنەرلىك، IT ماماندىقتارعا جانە جاراتىلىستانۋ عىلىمدارى بويىنشا اتىراۋ وبلىسىنا – 1500, ماڭعىستاۋ وبلىسىنا – 1500, ۇلىتاۋ وبلىسىنا – 300, جەتىسۋ وبلىسىنا – 300, اباي وبلىسىنا – 500, شىمكەنت قالاسىنا – 400, تۇركىستان وبلىسىنا – 500 گرانت بەرىلدى.
ءبىر گرانتتىق ورىنعا ەڭ ۇلكەن كونكۋرس «ستوماتولوگيا» بببت بويىنشا بولدى. بۇل ماماندىق بويىنشا 22 تالاپكەر ءبىر ورىنعا تالاستى. ارى قاراي «حالىقارالىق قاتىناستار جانە ديپلوماتيا» (14 ادام), قۇقىق (11 ادام), «مۋزىكا مۇعالىمدەرىن دايارلاۋ»، «دەنە شىنىقتىرۋ مۇعالىمدەرىن دايارلاۋ» جانە «پسيحولوگيا» (10 ادامنان) بولدى.
گرانتقا ۇمىتكەرلەر اراسىندا بالدار تەڭدىگى جاعدايىندا باسىم قۇقىققا يە بولاتىن 20 مىڭعا جۋىق تالاپكەر، ولاردىڭ ىشىندە «التىن بەلگى» يەگەرلەرى، حالىقارالىق جانە رەسپۋبليكالىق وليمپيادالاردىڭ جەڭىمپازدارى، وقۋ ۇزدىكتەرى بار. سونداي-اق، گرانتتاردى ۇيلەستىرۋ بارىسىندا الەۋمەتتىك وسال ساناتتاعى بالالاردىڭ كۆوتالارى ەسكەرىلدى.
جوعارى وقۋ ورىندارىنا قۇجاتتاردى تاپسىرۋ 25 تامىزعا دەيىن جۇزەگە اسىرىلادى.
"ادىرنا" ۇلتتىق پورتالى
ۇقساس جاڭالىقتار
قر عىلىم جانە جوعارى ءبىلىم مينيسترلىگى
ءبىلىم گرانتىنىڭ يەگەرلەرى
ءبىلىم گرانتى
گرانت ناتيجەلەرى 2023
