تۇركىستاندا ءبىلىم-يننوۆاتسيا ليتسەيىنىڭ وقۋشىسى الەمنىڭ بىرنەشە ۋنيۆەرسيتەتىنە شاقىرتۋ الدى، دەپ حابارلايدى "ادىرنا" ۇلتتىق پورتالى.
11 سىنىپ تۇلەگى يسلام ابدۋراحمانوۆ الەمنىڭ 40 ۋنيۆەرسيتەتىنە گرانت جەڭىپ الدى. ول ءباا، اقش، انگليا، پولشا، مالايزيا، شۆەيتساريا مەملەكەتتەرىندەگى قالاعان جوعارى وقۋ ورنىنىڭ ستۋدەنتى اتانا الادى.
"8-سىنىپتا ايتي سالاسىنا قىزىعۋشىلىعىمدى وياتىپ، جاڭا باعىتقا قادام باستىم. بۇل سالادا رەسپۋبليكالىق دەڭگەيدە وتكەن "Hackathon" اتتى جارىستان التىنعا قول جەتكىزدىم، وسى ءىس شارادا العان تاجىريبەم قازاقستانداعى ءبىلىم وليمپياداسىنان. ءبىرىنشى ورىن يەلەنۋىمە سەبەپكەر بولدى. 9-سىنىپتا قوعامدىق ىستەرمەن اينالىسامىن دەپ شەشتىم. تۇركىستان قالاسىنىڭ "Eco Turkistan" كلۋبىنىڭ مۇشەسى بولدىم جانە ول جەردە ءبىراز تاجىريبە الا وتىرا، كەنتاۋ قالاسىندا ءوزىمنىڭ "Green Team" اتتى جەكە ەكو كلۋبىمدى اشتىم", - دەيدى يسلام ابدۋراحمانوۆ.
دارىندى وقۋشى اقش-تىڭ تەحاس شتاتى، حيۋستون قالاسىنداعى "North American University(NAU)" مەكەمەسىن تاڭداپ وتىر.
