QR Ǧylym jäne joǧary bılım ministrlıgınıŋ resmi saitynda men äleumettık jelılerınde bılım granty iegerlerınıŋ tızımı jariialandy, dep habaarlaidy "Adyrna" ūlttyq portaly.
Granttardy taǧaiyndau konkursyna qatysu üşın 94 myŋ talapker qūjat tapsyrǧan. Körsetkış ötken jylmen salystyrǧanda 14 myŋǧa artyq.
Taǧy bır erekşelıgı, biyl Memleket basşysy Qasym-Jomart Toqaevtyŋ tapsyrmasyna säikes halyq tyǧyz qonystanǧan batys jäne jaŋadan qūrylǧan öŋırlerdıŋ jastary üşın granttar bölındı. Pedagogikalyq, injenerlık, IT mamandyqtarǧa jäne jaratylystanu ǧylymdary boiynşa Atyrau oblysyna – 1500, Maŋǧystau oblysyna – 1500, Ūlytau oblysyna – 300, Jetısu oblysyna – 300, Abai oblysyna – 500, Şymkent qalasyna – 400, Türkıstan oblysyna – 500 grant berıldı.
Bır granttyq orynǧa eŋ ülken konkurs «Stomatologiia» BBBT boiynşa boldy. Būl mamandyq boiynşa 22 talapker bır orynǧa talasty. Ary qarai «Halyqaralyq qatynastar jäne diplomatiia» (14 adam), Qūqyq (11 adam), «Muzyka mūǧalımderın daiarlau», «Dene şynyqtyru mūǧalımderın daiarlau» jäne «Psihologiia» (10 adamnan) boldy.
Grantqa ümıtkerler arasynda baldar teŋdıgı jaǧdaiynda basym qūqyqqa ie bolatyn 20 myŋǧa juyq talapker, olardyŋ ışınde «Altyn belgı» iegerlerı, halyqaralyq jäne respublikalyq olimpiadalardyŋ jeŋımpazdary, oqu üzdıkterı bar. Sondai-aq, granttardy üilestıru barysynda äleumettık osal sanattaǧy balalardyŋ kvotalary eskerıldı.
Joǧary oqu oryndaryna qūjattardy tapsyru 25 tamyzǧa deiın jüzege asyrylady.
"Adyrna" ūlttyq portaly
Ūqsas jaŋalyqtar
