عىلىم جانە جوعارى ءبىلىم مينيسترلىگى ءۋاليحان بيشىمباەۆتىڭ ۋنيۆەرسيتەت اشاتىنى تۋرالى اقپاراتقا تۇسىنىكتەمە بەردى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىلەردە «Bishimbayev University» جاڭا وقۋ جىلىنان باستاپ جۇمىس ىستەيتىنى، ونىڭ رەكتورى بولىپ ءۋاليحان بيشىمباەۆ تاعايىندالعانى جونىندە اقپارات تاراعان بولاتىن. وسىعان بايلانىستى، عىلىم جانە جوعارى ءبىلىم مينيسترلىگىنىڭ قوعاممەن بايلانىس دەپارتامەنتىنىڭ ديرەكتورى، ءباسپاسوز حاتشىسى ولجاس بەركىنباەۆ رەسمي مالىمدەمە جاسادى.
بەركىنباەۆتىڭ ايتۋىنشا، قازاقستان رەسپۋبليكاسىنىڭ «ءبىلىم تۋرالى» زاڭىنىڭ 5-3-بابىنا سايكەس، جوعارى جانە جوعارى وقۋ ورنىنان كەيىنگى ءبىلىم بەرۋ سالاسىندا قىزمەت كورسەتۋ ءۇشىن مىندەتتى تۇردە ليتسەنزيا الۋ قاجەت. سونداي-اق، «رۇقساتتار جانە حابارلامالار تۋرالى» زاڭعا سايكەس، ءتيىستى رۇقساتسىز نەمەسە حابارلاماسىز ءبىلىم بەرۋ قىزمەتىمەن اينالىسۋعا بولمايدى.
وسىعان وراي، عىلىم جانە جوعارى ءبىلىم مينيسترلىگى «Bishimbayev University» اتاۋىمەن ءبىلىم بەرۋ قىزمەتىن جۇزەگە اسىرۋعا ليتسەنزيا بەرمەگەنىن جانە «ە-ليتسەنزيالاۋ» اقپاراتتىق جۇيەسىندە مۇنداي ءوتىنىمنىڭ تىركەلمەگەنىن مالىمدەدى.
مينيسترلىك جوعارى ءبىلىم بەرۋ مەكەمەلەرىنىڭ قىزمەتى زاڭ اياسىندا رەتتەلەتىنىن جانە زاڭسىز ءبىلىم بەرۋ قىزمەتىمەن اينالىسۋعا جول بەرىلمەيتىنىن اتاپ ءوتتى.
