ماحامبەت وتەمىسۇلى اتىنداعى باتىس قازاقستان مەملەكەتتىك ۋنيۆەرسيتەتىنىڭ رەكتورى نۇرلان سەرعاليەۆ ۇستالدى دەگەن اقپارات تارادى، دەپ حابارلايدى “ادىرنا” ءتىلشىسى.
بۇعان دەيىن الەۋمەتتىك جەلىلەردە جوعارى وقۋ ورنى رەكتورىنىڭ ۇستالعانى تۋرالى اقپارات تاراعان.
باتىس قازاقستان وبلىسى قوعامدىق كەڭەسىنىڭ مۇشەسى، زاڭگەر باۋىرجان احمەتجاننىڭ مالىمەتىنشە، نۇرلان سەرعاليەۆ قىزمەتتىك وكىلەتتىگىن اسىرا پايدالاندى دەگەن كۇدىكپەن ۇستالعان. سونداي-اق ونىڭ جۇمىس كابينەتىندە جانە تۇرعىلىقتى مەكەنجايىندا ءتىنتۋ جۇرگىزىلگەنى ايتىلدى.
"ۋنيۆەرسيتەت قىزمەتكەرلەرىنىڭ مالىمەتىنشە، بۇگىن ماحامبەت وتەمىسوۆ اتىنداعى ۋنيۆەرسيتەتتىڭ رەكتورى نۇرلان حابيبوللاۇلى سەرعاليەۆ قىزمەتتىك وكىلەتىن اسىرا پايدالاندى دەگەن كۇدىكپەن ۇستالدى. قازىرگى ۋاقىتتا ونىڭ جۇمىس ورنىندا ءتىنتۋ جۇرگىزىلىپ جاتىر", – دەپ جازدى احمەتجان الەۋمەتتىك جەلىدەگى پاراقشاسىندا.
