قازاق بالالارىنا بابالارىنىڭ كىم بولعانىن تانىتاتىن قۇندى كىتاپتار جارىق كوردى، دەپ حابارلايدى "ادىرنا" ۇلتتىق پورتالى.
بۇل جايلى الەۋمەتتىك جەلىدە ەكونوميست، قوعام بەلسەندىسى، باسپاگەر شىڭعىس مۇقان مالىمدەدى.
- بالالارىمىز بابالارىن تانىپ وسكەنى ءجون. بولار بالانىڭ ارمانى بولادى، ونى ىسكە اسىرۋ ءۇشىن ماقسات قويادى، وعان جەتەتىن جوسپار جاسايدى، ۇلگى تۇتار تۇلعالارى بولادى، ولارعا ۇقساپ باعادى. قازاقتىڭ سايىن دالاسى، بۇگىنىمىز وزدىگىنەن بولا سالعان جوق. ءار قادىم جەرىمىزدىڭ، ءار جەتكەن جەتىستىكتىڭ ارتىندا بەلگىلى بار تۇلعالار تۇر. كوبىنىڭ اتى ءوشتى. ءبىز بىلەتىن تۇلعالار ايسبەرگتىڭ ۇشى عانا. ولار تۋرالى كىتاپتار جازىلماي جاتقان جوق، بىراق از تيراجبەن تاراپ، كىتاپحانالارعا عانا جەتەدى، نارىقتا جوق. الايدا كوبى ەرەسەك وقىرمانعا ارنالعان، - دەپ جازدى اۆتور.
مۇنىمەن قوسا العاندا، شىڭعىس مۇقان جارىققا شىققان كىتاپتاردىڭ رۋحاني قۇندىلىعى مەن ماڭىزدىلىعىنا توقتالدى:
- ال ۇلى تۇلعالارى تۋرالى بالالار مەن جاسوسپىرىمدەرگە ارنالعان كىتاپ جوقتىڭ قاسى. وسى ولقىلىقتى تولتىرماق بولىپ Mazmundama “ول كىم؟” سەرياسىن قولعا الدى. ۇيىمشىل ۇجىمىمىز بىلتىر “احمەت بايتۇرسىنۇلى كىم؟” كىتابىن شىعاردى، بيىل ء“اليحان بوكەيحان كىم؟”، “قانىش ساتباەۆ كىم؟”، “قاجىمۇقان مۇڭايتپاسۇلى كىم؟” شىقتى. بۇل كىتاپتاردىڭ اۆتورى بەلگىلى بالالار جازۋشىسى، جۋرناليست سەرىكبول حاسان، - دەدى ول.
كىتاپتاردىڭ تۇساۋى الماتىداعى جامبىل اتىنداعى جاسوسپىرىمدەر كىتاپحاناسىند كەسىلدى.
"ادىرنا" ۇلتتىق پورتالى
