اباي وبلىسىنداعى "سەمەي ورمانى" مەملەكەتتىك ورمان تابيعي رەزەرۆاتىنان ءورت شىقتى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ءتىلشىسى.
مالىمەت بويىنشا، بۇگىن 15 شىلدە كۇنى، اباي وبلىسىنىڭ توتەنشە جاعدايلار دەپارتامەنتىنە اباي وبلىسىنداعى "سەمەي ورمانى" مەملەكەتتىك ورمان تابيعي رەزەرۆاتى قىزمەتكەرلەرىنەن ساعات 11:40-تا بەگەن ورمانشىلىعى اۋماعىندا قۇرعاق ءشوپ پەن اعاشتاردىڭ جانۋى تۋرالى اقپارات كەلىپ ءتۇستى (57 جانە 58 ورامدار).
ساعات 11:52-دە ءورت ورنىنا تجم بولىمشەلەرىنىڭ كۇشتەرى مەن قۇرالدارى، ناقتىراق ايتقاندا وبلىستىڭ تجد، تجم 68303 اسكەري ءبولىمىنىڭ، شىعىس قازاقستان وبلىستىق توتەنشە جاعدايلار دەپارتامەنتىنىڭ جەكە قۇرامدارىنان 100 ادام جانە 20-دان استام تەحنيكاسى جىبەرىلدى، دەلىنگەن حابارلامادا.
ءورتتى جەدەل سوندىرۋگە جاردەمدەسۋ ماقساتىندا وقيعا ورنىنا توتەنشە جاعدايلار مينيسترلىگىنىڭ اۆياتسياسى جىبەرىلدى.
