ABAI NEWS telegram-كانالى تاراتقان حابارعا قاراعاندا، جاس وتباسى بالاسىن اتا-اجەسىنە تاستاپ كەتكەن. كەيىن ءۇيدىڭ ۇلكەندەرى نەمەرەسىن ەرتىپ، قوناققا بارعان. اياز كۇشىنە مىنگەن ساتتە ءبىرىنشى بولىپ ايەل ادام سىرتقا بەت العان، ودان كەيىن اقساقال مەن كىشكەنتاي نەمەرەسى ونىڭ ءىزىن الا شىققان. بەلگىلى بولعانداي، ولاردى اياز قارىپ، قىتىمىر قىستىڭ اق قار، كوك مۇزىندا بىرتىندەپ دەنەسىن سۋىق دەندەپ، قاتىپ قالعان. قاتتى توڭعان بالا ايقايلاعان، وكىنىشكە قاراي، ۇزاققا داۋىسى جەتپەي، ەشكىم كومەككە كەلمەگەن.
- تاڭەرتەڭ دەنەلەرى تابىلدى. اپاسى اۋىلدان 50 مەتر جەردە جاتتى. اتاسى مەن نەمەرەسى 100 مەتر جەردەن تابىلدى. قازىر تۋىستارى ولار مىنگەن اۆتوكولىكتىڭ يەسىن ىزدەپ جاتىر. قاتتى ايازدا جۇرگىزۋشى ولاردى نە ءۇشىن جولدان ءتۇسىرىپ كەتكەنىن انىقتاۋ كەرەك، - دەيدى مارقۇمداردىڭ تۋىسى.
قازىر "Zakon.kz"-ءتىڭ جازۋىنشا، جارما اۋداندىق پوليتسيا ءبولىمى بۇل فاكتىنى راستادى. كەشە مارقۇمداردى جەرلەۋ ءراسىمى ءوتتى.
ۇجىم اتىنان قازاق حالقىنا قايعىرا كوڭىل ايتامىز. "ادىرنا" قاقاعان قىستىڭ كوزى قىراۋدا وزىڭىزگە جانە جاقىندارىڭىزعا قورمال بولۋدى وتىنەدى.
"ادىرنا" ۇلتتىق پورتالى
