Abaı oblysyndaǵy "Semeı ormany" memlekettik orman tabıǵı rezervatynan órt shyqty. Bul týraly Tótenshe jaǵdaılar mınıstrliginiń baspasóz qyzmeti málimdedi, dep habarlaıdy “Adyrna” tilshisi.
Málimet boıynsha, búgin 15 shilde kúni, Abaı oblysynyń Tótenshe jaǵdaılar departamentine Abaı oblysyndaǵy "Semeı ormany" memlekettik orman tabıǵı rezervaty qyzmetkerlerinen saǵat 11:40-ta Begen ormanshylyǵy aýmaǵynda qurǵaq shóp pen aǵashtardyń janýy týraly aqparat kelip tústi (57 jáne 58 oramdar).
Saǵat 11:52-de órt ornyna TJM bólimsheleriniń kúshteri men quraldary, naqtyraq aıtqanda oblystyń TJD, TJM 68303 áskerı bóliminiń, Shyǵys Qazaqstan oblystyq Tótenshe jaǵdaılar departamentiniń jeke quramdarynan 100 adam jáne 20-dan astam tehnıkasy jiberildi, delingen habarlamada.
Órtti jedel sóndirýge járdemdesý maqsatynda oqıǵa ornyna Tótenshe jaǵdaılar mınıstrliginiń avıaııasy jiberildi.
