تۇركيا باسشىسى رەجەپ تايپ ەردوعان ۋكراينانى قولدايتىنىن ايتتى. بۇل تۋرالى ول زەلەنسكيمەن بىرلەسكەن بريفينگ بارىسىندا مالىمدەدى، دەپ حابارلايدى “ادىرنا” ۇلتتىق پورتالى.
"ۋكراينا، ءسوزسىز، ناتو-عا مۇشەلىككە لايىق. وسى تۇستا ءبىر نارسەنى قايتالاپ ايتقىم كەلەدى. ادىلدىك ورناعان الەمنەن ەشكىم ۇتىلمايدى", - دەدى
ەردوعان تۇركيا ۋكراينانىڭ "اياققا تۇرۋىنا" كومەكتەسەتىنىن ايتا كەتتى.
"ۋكرايناداعى وسى نارىقتىڭ كوشباسشىسى بولىپ تابىلاتىن قۇرىلىس كومپانيالارىمىز ۋكرايندىق دوستارىمىزعا ەلدى قالپىنا كەلتىرۋگە كومەكتەسەدى", - دەدى تۇركيا پرەزيدەنتى.
ايتا كەتەيىك، ەردوعان مەن زەلەنسكي اراسىنداعى كەلىسسوز جۇما، 7 شىلدەدە ىستامبۇلدا ءوتتى. ەل باسشىلارى ۋكرايناداعى جاعدايدى، سونداي-اق مەرزىمى 17 شىلدەدە اياقتالاتىن استىق كەلىسىمىن ۇزارتۋ ماسەلەسىن تالقىلادى.
