ۋكراينانىڭ جوعارعى راداسى رەسەيدىڭ قازىرگى ساياسي رەجيمىن رەسمي تۇردە "راشيزم" دەپ اتادى. سونىمەن قاتار، ونىڭ يدەولوگياسىن توتاليتارلىق سۇرقاي ساياساتقا نەگىزدەلگەن دەپ باعالادى, دەپ حابارلايدى "ادىرنا" ۇلتتىق پورتالى.
ۋكراينانىڭ جوعارعى راداسى رەسەيدەگى ساياسي رەجيمگە ايىپتاپ، وعان "راشيزم" دەگەن تۇسىنىك بەردى.
سونىمەن قاتار، ول بۇۇ-عا، ەۋروپارلامەنتكە، ەۋروپا كەڭەسىنىڭ پارلامەنتتىك اسسامبلەياسىنا، سونداي-اق باسقا ەلدەردىڭ ۇكىمەتتەرى مەن پارلامەنتتەرىنە "راشيزم" يدەولوگياسىن سىنعا الۋدى قولداۋعا شاقىردى.
حالىق دەپۋتاتى الەكسەي گونچارەنكونىڭ ايتۋىنشا، قاۋلى جوباسىنا 281 ادام داۋىس بەرگەن.
مالىمدەمەدە "رەسەي سوعىسى، ۆلاديمير ءپۋتيننىڭ ساياسي رەجيمى، الەمگە قارسى اشىلعان نەو-يمپەريالىق، توتاليتارلىق ديكتاتۋرالىق سوعىس، ول وتكەننىڭ ەڭ ناشار تاجىريبەلەرىن وزىنە سىڭىرگەن جانە فاشيزم مەن ۇلتتىق سوتسياليزم يدەيالارىن ورىس ءفاشيزمىنىڭ ء(راشيزمنىڭ) قازىرگى سيپاتىندا بەينەلەيدى" دەلىنگەن.
جازبادا پۋتين رەجيمىنىڭ نەگىزگى بەلگىلەرىنىڭ ءبىرى جانە مەملەكەتتىك يدەولوگيانىڭ نەگىزى ەسەبىندە ورىس ۇلتشىلدى يدەيالارى، سونداي-اق ەزگى، باسقا حالىقتاردىڭ ءومىر ءسۇرۋ قۇقىعىن تاپتاي وتىرىپ، رەسەي مەن رەسەيلىكتەردىڭ ورلەۋى ەكەندىگى تاڭبالانادى.
"ادىرنا" ۇلتتىق پورتالى
