Túrkııa basshysy Rejep Taııp Erdoǵan Ýkraınany qoldaıtynyn aıtty. Bul týraly ol Zelenskıımen birlesken brıfıng barysynda málimdedi, dep habarlaıdy “Adyrna” ulttyq portaly.
"Ýkraına, sózsiz, NATO-ǵa múshelikke laıyq. Osy tusta bir nárseni qaıtalap aıtqym keledi. Ádildik ornaǵan álemnen eshkim utylmaıdy", - dedi
Erdoǵan Túrkııa Ýkraınanyń "aıaqqa turýyna" kómektesetinin aıta ketti.
"Ýkraınadaǵy osy naryqtyń kóshbasshysy bolyp tabylatyn qurylys kompanııalarymyz ýkraındyq dostarymyzǵa eldi qalpyna keltirýge kómektesedi", - dedi Túrkııa prezıdenti.
Aıta keteıik, Erdoǵan men Zelenskıı arasyndaǵy kelissóz juma, 7 shildede Ystambulda ótti. El basshylary Ýkraınadaǵy jaǵdaıdy, sondaı-aq merzimi 17 shildede aıaqtalatyn astyq kelisimin uzartý máselesin talqylady.
