بۇگىننەن باستاپ ەلىمىزدە بىرقاتار وزگەرىستەر ورىن الماق، دەپ حابارلايدى “ادىرنا”.
وتكەن ايدا بولعان توتەنشە جاعدايدا وتان ءۇشىن وتقا ءتۇسىپ، انتىنا ادال بولعان ورمانشىلاردىڭ ەڭبەكاقىسى 1 شىلدەدەن باستاپ وسەدى. ولاردىڭ ماتەريالدىق-تەحنيكالىق بازاسىن 2027 جىلعا قاراي 100 پايىزعا دەيىن جاڭارتۋ كوزدەلۋدە.
1 شىلدەدەن باستاپ ەلىمىزدە ەلەكتر ەنەرگياسىنىڭ تاريفتەرى وسەدى. ەنەرگەتيكا مينيسترلىگى بۇل قىمباتتاۋ الداعى كۇزگى-قىسقى دايىندىققا بايلانىستى بولماق.
مينيسترلىكتىڭ الدىن الا دايىنداعان قۇجاتتاماسىنا سايكەس، وتىننىڭ قۇرامداس بولىگى 17% دەڭگەيىنە دەيىن قامباتتاۋى مۇمكىن. كەيبىر وڭىرلەردە 10%-30% ارالىعىنداعى باعا وزگەرۋى كۇتىلۋدە.
1 شىلدەدەن باستاپ الماتىلىق تۇرعىنداردىڭ قالتاسى دا جۇقارادى. سەبەبى وڭىردەگى جىلۋ باعاسى 20% كوتەرىلەدى. حالىقتى جىلۋمەن جابدىقتاۋ قۇنىنىڭ ءوسۋى 20% – 5 839,23 تەڭگەدەن 7 007,08 تەڭگەگە دەيىن/گكال، بيزنەس ءۇشىن 30% – 12 870,44 تەڭگەدەن 16 731,57 تەڭگەگە دەيىن/گكال قۇرادى.
2023 جىلعى 1 شىلدەدەن باستاپ "التىن القا", "باتىر انا", I جانە II دارەجەلى "انا داڭقى" وردەندەرىمەن ناگرادتتالعانداردىڭ جاردەماقىسى ارتادى. ياعني، 7 جانە ودان دا كوپ بالانى ومىرگە اكەلگەن انالارعا ارنالعان جاردەماقى مولشەرى 7,4 اەك-كە دەيىن ارتتىرىلادى.
سونىمەن قاتار، بۇگىننەن باستاپ مەملەكەتتىك جاردەماقىلاردىڭ 14,5 %-عا ءوسۋى جوسپارلانعان. بۇگىندە بەرىلەتىن جاردەماقىلاردىڭ مولشەرى 1,4 ەڭ تومەنگى كۇنكورىس دەڭگەيى نەمەسە 56 794 تەڭگە بولادى. الەۋمەتتىك كودەكس كۇشىنە ەنگەننەن باستاپ جاردەماقىنىڭ مولشەرى 1,61%-عا نەمەسە 65 313 تەڭگەگە دەيىن وسپەك. بۇل ماقساتتارعا رەسپۋبليكالىق بيۋدجەتتەن قوسىمشا 6,4 ميلليارد تەڭگە بولىنگەن.
تەمەكى مەن ىشىمدىك باعاسى قىمباتتايدى. ەلىمىزدە بۇگىننەن باستاپ تەمەكى مەن ىشىمدىك باعاسى دا قىمباتتاعالى وتىر. اپتا باسىندا قارجى مينيسترلىگى وسى بۇيرىققا قول قويدى. 2023 جىلعى 1 شىلدەدەن باستاپ 2023 جىلعى 31 جەلتوقساندى قوسا العانعا دەيىن – 710 تەڭگە; 2024 جىلعى 1 قاڭتاردان باستاپ 770 تەڭگە مولشەرىندە ەڭ تومەنگى بولشەك ساۋدا باعالارىن بەلگىلەۋ ۇسىنىلعانىن ەسكە سالامىز.
