بايقوڭىر عارىش ايلاعى قازاقستان مەن رەسەيدىڭ حالىقارالىق عارىش نارىعىنداعى ورنىن نىعايتۋعا مۇمكىندىك بەرەدى، دەپ حابارلايدى "ادىرنا" ۇلتتىق پورتالى.
بۇل تۋرالى قاسىم-جومارت توقاەۆ رەسەي پرەزيدەنتى ۆلاديمير ءپۋتيننىڭ مەملەكەتتىك ساپارى اياسىندا مالىمدەدى.
مەملەكەت باسشىسى عارىش سالاسىنداعى ىنتىماقتاستىق ەكى ەل اراسىنداعى پەرسپەكتيۆالى باعىتتاردىڭ ءبىرى بولىپ قالا بەرەتىنىن اتاپ ءوتتى.
"بايقوڭىر عارىش ايلاعى كوپتەگەن جىل بويى جەمىستى عىلىمي-تەحنيكالىق ارىپتەستىكتىڭ جارقىن سيمۆولى بولىپ كەلەدى. «بايتەرەك» بىرلەسكەن جوباسىن جۇزەگە اسىرۋ، سونىڭ ىشىندە جاڭا «سۇڭقار/Soyuz-5» زىمىران تاسىعىشىنىڭ جۋىرداعى ءساتتى ۇشىرىلىمى ەلدەرىمىزدىڭ حالىقارالىق عارىش قىزمەتتەرى نارىعىنداعى ورنىن نىعايتۋعا جاڭا مۇمكىندىكتەر اشادى", — دەدى پرەزيدەنت.
ايتا كەتەيىك، 27–29 مامىر ارالىعىندا ۆلاديمير ءپۋتيننىڭ قازاقستانعا مەملەكەتتىك ساپارى ءوتىپ جاتىر.
