كاموليددين راببيموۆ: بۇل ۇندەۋ «پۋتين اكامىز ارنايى وپەراتسيا جۇرگىزىپ جاتىر» دەگەندەرگە جاقسى جاۋاپ بولدى. پۋتين مۇنداي قاۋىپ-قاتەرگە تاپ بولعان ەمەس.

1722
Adyrna.kz Telegram

كەشە، 26 ماۋسىم كۇنى كەشقۇرىم ۆ. پۋتين رەسەي حالقىنا ۇندەۋ جاسادى. امالسىز ارەكەت. ازاپتى ارەكەت. ءجۇزى كۇڭىرەنگەن. قاباقتارى تۇسكەن. قۇددى يۆان ۆاسيلەۆيچتىڭ شۆەد ەلشىسىنە قاباعىن ءتۇيىپ تۇرعانداي، سالماقتى ەدى...

*
پريگوجين روستوۆتى يەلەنىپ، ماسكەۋگە كەلە جاتقانداعى ۇندەۋىندە ءپۋتيننىڭ ءوڭى بوزارىپ، كوگەرىپ، داۋىسى باسەڭ، ەڭسەسى بوس ەدى. بىراق بۇل جولى ەڭسەسى جوعارى بولدى. ويتكەنى پريگوجين ماسكەۋگە كەلە جاتقان جوق. كرەمل امان.

*
پۋتين پريگوجيننىڭ ءىسىن «شانتاج»، «ساتقىندىق»، «ىشكى بۇلىك»، «اسكەري بۇلىك» دەپ اتادى. حالقىمىز ءبىر بولىپ قارسى تۇردىق دەدى. كونستيتۋتسيالىق قۇرىلىستى ساقتاپ قالدىق دەدى. مەملەكەتتى ساقتاپ قالدىق دەدى.

*
بۇل ۇندەۋ «ءبارى پۋتين اكامىزدىڭ ءوزى جوسپارلاعانداي»، «پۋتين اكامىز ارنايى وپەراتسيا جۇرگىزىپ جاتىر» دەگەندەرگە جاقسى جاۋاپ بولدى. پۋتين بۇلىكتى مويىنداپ، ونى ۇلكەن قاۋىپ دەپ اتادى. راسىندا، پۋتين بيلىكتە بولعان 23 جىل ىشىندە ەشقاشان مۇنداي قاۋىپ-قاتەرگە تاپ بولعان ەمەس. ءبىر نارسەگە ۇشىراي جازدادى...

 

كاموليددين راببيموۆ

پىكىرلەر