Keshe, 26 maýsym kúni keshqurym V. Pýtın Reseı halqyna úndeý jasady. Amalsyz áreket. Azapty áreket. Júzi kúńirengen. Qabaqtary túsken. Quddy Ivan Vasılevıchtiń shved elshisine qabaǵyn túıip turǵandaı, salmaqty edi...
*
Prıgojın Rostovty ıelenip, Máskeýge kele jatqandaǵy úndeýinde Pýtınniń óńi bozaryp, kógerip, daýysy báseń, eńsesi bos edi. Biraq bul joly eńsesi joǵary boldy. Óıtkeni Prıgojın Máskeýge kele jatqan joq. Kreml aman.
*
Pýtın Prıgojınniń isin «shantaj», «satqyndyq», «ishki búlik», «áskerı búlik» dep atady. Halqymyz bir bolyp qarsy turdyq dedi. Konstıtýııalyq qurylysty saqtap qaldyq dedi. Memleketti saqtap qaldyq dedi.
*
Bul úndeý «bári Pýtın ákamyzdyń ózi josparlaǵandaı», «Pýtın ákamyz arnaıy operaııa júrgizip jatyr» degenderge jaqsy jaýap boldy. Pýtın búlikti moıyndap, ony úlken qaýip dep atady. Rasynda, Pýtın bılikte bolǵan 23 jyl ishinde eshqashan mundaı qaýip-qaterge tap bolǵan emes. Bir nársege ushyraı jazdady...
