«ادىرنا» سايتىندا موڭعوليادا تۇراتىن بەكبولات عافۋۇلىنىڭ «تولەننىڭ كەيبىر ايتىپ وتىرعان سوزدەرى جالعان» دەگەن تاقىرىپپەن سۇحباتى جاريالاعان. وندا ول قازاقستاندىق كاسىپكەر تولەن توقتاسىنوۆتىڭ عالىمجان جاقيانوۆتىڭ ۇستىنەن موڭعوليا زاڭ ورىندارىنا شاعىم تۇسىرگەنىن ايتقان. الايدا سۇحبات سوڭىنان سۇحبات بەرۋشىنىڭ جەرلەستەرى حابارلاسىپ، ءوز پىكىرلەرىن ءبىلدىردى.
بەكبولات عافۋۇلىنىڭ ايتۋىنشا، سول ارىز بويىنشا عالىمجاندى تەكسەرگەن. تەكسەرىس بارىسىندا ودان ەشقانداي زاڭ بۇزۋشىلىق انىقتالمادى. سودان كەيىن عالىمجان تولەنگە قارسى ءوزىنىن ابىروي بەدەلىن قورعاۋ ءۇشىن شاعىم تۇسىرگەن.
وسى سۇحبات جاريالانعاننان كەيىن «ادىرناعا» موڭعوليادان ءوز پىكىرىن ايتىپ، جولداعاندار ادامدار بولدى. ماسەلە بىرجاقتى بولماس ءۇشىن، اقپارات ءۇۇرالى ءبىر تاراپتى جاقتادى دەمەس ءۇشىن ەكىنشى تاراپقا دا ءسوز بەرگەندى ءجون كوردىك.
بايان-ولگي ايماعىنىڭ دەنە شىنىقتىرۋ، سپورت باسقارماسىنىڭ باستىعى قاينار قايسانايۇلى بىلاي دەپ جازىپتى.
«ناعىز ادامگەرشىلىككە ءتان قاسيەتتى تولەن توقتاسىنوۆ اعادان كورۋگە بولادى.
سوڭعى كەزدە مەنىڭ بىرگە تۋعانىم ەمەس بولسا دا تۋعانداي بولىپ قۇرمەتتەپ قادىرلەپ جۇرەتىن ارداق تۇتقان تولەن اعامدى قىيىن قىستاۋ كەزدەردە دە، جاقسى جۇرگەن كەزدەردە دە بىرگە جۇرگەن، ۇلكەن ساياساتتا دا، ۇلكەن بيزنەستە دە كوپ جىلدار بىرگە جۇرگەن اجىراماس ەڭ جاقىن دوسى بولعان ادامى قيىن جاعدايعا تاقاپ ءجۇر دەگەندى ەستىپ ءىشىم قىنجىلىپ كوڭىلىمدە، كوكىرەگىمدە جۇرگەن وي پىكىرىمدى ءبىر اۋىز جازعىم كەلدى.
اكەم ەكەمىز 2008 جىلى جازعىتۇرىم ۋلاانبااتار قالاسىندا ءىس قىزمەتپەن جۇرگەن كەزگە سايكەستىك بولىپ ەڭ العاش توكەڭ اعامەن تانىسىپ ءبىر داستارقاندا دامدەس بولعاننان باستاپ ارالاسىپ اعا باۋىر بولىپ جۇرگەننەن بەرى وسى جىلعا دەيىن 15 جىلدىڭ ءجۇزى بولىپتى.
سول كەزدە ايماعىمىزدىڭ بوكس سپورتىنا جاناشىر، قامقورشى، دەمەۋشىلىك جاسايتىن ادام تابىلماي مەنىڭ باپەرلىك قىزمەتتەن كوڭىلىم قالىپ، ءۇمىتىم ءۇزىلىپ جۇرگەن كەز ەدى...
اللاھىم توكەڭ اعامەن قالاي كەزىكتىردى ايماعىمىزدىڭ بوكس سپورتى جاڭا سەرپىلىس، جاڭا جولعا، جاڭا قادامعا باسىپ، دامۋ جولىن تاپتى دەۋگە بولادى.
تۋراسىن ايتقاندا, مەنىڭ بوكس سپورتىنا دەگەن ءۇمىتىمدى ويااتىپ، جولىمدى اشقان تولەن توقتاسىنوۆ اعا دەپ ايتسام ارتىق بولماس.
وسى ۋاقىتتا تولەن اعانى قانشالىقتى ۇلت جاناشىرى، دوسىنا ادال، شىنشىل، اقىل, پاراساتتى، ءبىلىمدى، ادامگەرشىلىگى جوعارى، جومارت ادام ەكەنىنە كوزىم جەتكەن.
توكەڭ اعانىڭ دەمەۋشىلىك جاساعان 2009-2012 جىل ارالىعىندا جاسوسپىرىمدەر, جاستار اراسىندا موڭعول ەلىنىڭ بىرىنشىلىك سىنالتۋ باسەكەسىندە بايان-ولگي بوكس قۇراما كومانداسى العاشقى 1, 2, 3 ورىندا توپ جارعان، تالاي چەمپيوندار، جۇلدەگەرلەر شىققان تاريحي كەزەڭ.
بوكس سپورتى جوعارى دەڭگەيدە دامىعان قازاقستان ەلىنىڭ بوكس فەدەراتسياسىنىڭ باس قاسىندا جۇرگەن اعالارمەن تىعىز بايلانىس وسى كەزدەن باستالعان.
تىپتەن سول كەزدەردە، سول ەلدەگى حالىقارالىق جارىستاردا جۇرگەندە قازاقستاندىق قانشاما سپورتشى، باپەرلەرگە توكەڭ قول ءۇشىن بەرىپ دەمەۋشىلىك جاساعان تۋرالى دا وزدەرىنەن ەستىپ جۇرەتىنمىن.
بىراق بۇگىندە دەيىن توكەڭ اعا وسى تۇرالى ايتىپ ءوزىن جارنامالاتىپ كورگەن ەمەس.
بۇگىن اعاعا ناقاقتان جالا جاۋىپ، جامان ادام بولدىرىپ كورسەتۋ ءۇشىن بىرەۋلەر، دۇشپاندار تالپىنىپ جاتقاندىقتان ادەيى ەل ءبىلسىن دەگەن ويمەن وسى اقيقاتتى جازىپ وتىرمىن.
توكەڭ تەك قانا سپورتقا جاناشىرلىق تانىتقانىمەن قويماي باسقادا سالا، جەتىم-جەءسىر، كەدەي-كەپشىك، اۋىرۋ-سىرقاۋ، جوق-جىتىككە كومەكتەسىپ قول ءۇشىن بەرىپ جۇرگەنءى تۋرالى دا تالاي ادامنىڭ اۋىزىنان ەستىپ ءجۇرتىنمىن.
ال ءوز اۋىزىنان ءبىر دە ءبىر ماقتانىپ، ىستەگەن ءىسىن جارنامالاپ جۇرگەنىن كورگەن ەمەسپىن.
سوندىقتان مەن تولەن اعانى ەشقاشان جامان قىلىق جاسايدى دەگەنگە سەنبەيمىن.
ولاي بولۋى مۇمكىن ەمەس دەپ ويلايمىن.
ءىسى اقتىڭ قۇدايى جاق دەيدى.
توكەڭ اعا, سىزگە ايتارىم ەش قاشان مويىماڭىز, ءبارى قاز-قالپىنا كەلەدى دەگەنگە سەنىمىم زور!»
بۇعان قوسا تولەن توقتاسىنوۆقا تىلەكتەستىگىن ءبىلدىرىپ، لەبىزىن ۆيدەو-ۇندەۋمەن بىلدىرگەن ءبىر توپ بار.
ولاردىڭ اراسىندا مەملەكەت جانە قوعام قايراتكەرى, ايماقتىق پارتيا كوميتەتتەرىنىڭ ەكىنشى جانە ءبىرىنشى حاتشىسى بولعان، كەيىن دەپۋتاتتىققا سايلانعان، موڭعوليانىڭ اۆستريا, ۆەنگريا ەلدەرىندەگى توتەنشە جانە وكىلەتتى ەلشىسى قىزمەتىن اتقارعان ەكونوميكا عىلىمدارىنىڭ دوكتورى، پروفەسسور سۇلتانتاۋكەيۇلى بار.
بۇعان قوسا تاعى ءبىر قوعام قايراتكەرى، موڭعولياداعى قازاق قاۋىمداستىعىنىڭ باسشىسى، بايان-ولگي ايماعىنىڭ الدىمەن ايماق قۇرىلتاي توراعاسى, كەءيىن ايماق باستىعى بولعان پروفەسسور حابساتتار ومارۇلى دا جۇرەكجاردى تىلەگىن بىلدىرگەن. بايان-ولگيدىڭ ەكس-گۋبەرناتورى حابساتتار ومارۇلى دا ءلىبىزىن ايتقان.
سونداي-اق وركەنبەك ابايۇلى، مۇحامەت حوۆدوشحان ءتارىزدى ازاماتتارعا قوسا، قازاقستاندىق ونەر قايراتكەرى نۇرلان ونەرباەۆ تا وزدەرىنىڭ پىكىرلەرىمەن بولىسكەن.
