"ادىرنا" ۇلتتىق پورتالىنىڭ يۋتۋب ارناسىندا جاڭا سۇحبات جاريالاندى.
كەزەكتى سۇحباتتىڭ سپيكەرى - «Baikadam Holding» كومپانياسىنىڭ باس ديرەكتورى ارمان بايقادام.
ول ەلدەگى ينۆەستيتسيالىق احۋالعا قاتىستى سۇراقتارعا جاۋاپ بەرەدى. ينۆەستيتسيالىق الەۋەت پەن ونىڭ وتەۋى ءبىر-بىرىمەن سايكەس كەلمەي جاتقانىن ايتقان كاسىپكەر ىشكى ينۆەستور مەن شەتەلدىك ينۆەستوردىڭ ايىرماشىلىعىنا توقتالعان. ايتۋىنشا، ىشكى-سىرتقى ينۆەستورلارعا تەڭدەي جاعداي جاسالۋى كەرەك. قالىپتاسقان جاعدايعا قاراعاندا، شەتەلدىك ينۆەستورلارمەن جاسالعان كەلىسىم-شارتتاردىڭ نەگىزگى اقپاراتى جاريا ەتىلمەي كەلەدى. كومپانيالارعا جۇمىسقا تارتىلعان جەرگىلىكتى جانە شەتەلدىك جۇمىسشىلار اراسىندا جالاقى ەكى ءتۇرلى تولەنەدى.
«پايدالى قازبالاردى يگەرۋگە قاتىستى كەلىسىم-شارت اشىق بولۋ كەرەك،» - دەگەن ارمان بايقادام مۇنداي الۋاندىقتىڭ ءتۇبى الەۋمەتتىك جارىلىسقا الىپ كەلەتىنىن ايتادى.
