قازنەتتە "قاراعاندى وبلىسىنىڭ اكىمى جەڭىس قاسىمبەك استانا قالاسىنىڭ اكىمى لاۋازىمىنا تاعايىندالادى" دەگەن اقپارات پايدا بولىپ، كەڭ تاراپ كەتتى. ەلوردا اكىمى التاي كولگىنوۆ اتالعان قاۋەسەتكە قاتىستى ءوزىنىڭ پىكىرىن ءبىلدىردى، دەپ جازادى "ادىرنا" ۇلتتىق پورتالى.
"قاۋەسەت تۋرالى ەشتەڭە ايتا المايمىن. مەنىڭ ويىمشا، بارلىعىن ۋاقىت كورسەتەدى. زاڭ بويىنشا، كونستيتۋتسيا بويىنشا پرەزيدەنت سايلانعاننان كەيىن بارلىق اكىمدەر ءوز قىزمەتتەرىن بوساتاتىنى بەلگىلى. ءارى قاراي مەملەكەت باسشىسى شەشەدى، كورەسىزدەر عوي. ۋاقىت تورەشى. ءبىز ارقاشان ەلگە جانە قوعامعا قىزمەت ەتۋگە دايىنبىز. مەملەكەتتىك قىزمەتتىڭ ءمانىسى وسىدا", - دەدى التاي كولگىنوۆ.
ەستەرىڭىزگە سالا كەتەيىك، بۇعان دەيىن قاراعاندى وبلىسىنىڭ اكىمى جەڭىس قاسىمبەك استانا قالاسىنىڭ اكىمى لاۋازىمىنا تاعايىندالعانى تۋرالى قاۋەسەتتى جوققا شىعارعان بولاتىن.
"ادىرنا" ۇلتتىق پورتالى
