دوستار، ايتايىن دەگەنىم.
ەكولوگيا مينيسترىلىگىندە كەزىندە جۇمىس جاساپ، ورمانشىلاردى جەكە تانىعاننان كەيىن، سالانى ءسال ءپال بولسا بىلگەننەن كەيىن نەمقۇراي قاراي الماي جاتىرمىن. سوندىقتان دۇرىس تۇسىنىڭىزدەر. 15 ادامنىڭ ءومىرى قيعان بۇل تراگەديا ءبىراز ماسەلەنىڭ بەتىن اشىپ جاتقانىن وزدەرىڭىز دە كورىپ وتىرسىزدار.
ءزۇلفيا سۇلەيمەنوۆانىڭ جەكە باسىندا شارۋام جوق. مينيستر بولىپ تاعايىندالعاندا، قۋانعان ادامداردىڭ ءبىرى بولعانداردىڭ قاتارىندا مەن دە بولدىم) مەن كادرلىق ساياساتتىڭ جاسارعانىن، گەندەرلىك تەپە-تەڭدىكتىڭ ساقتالۋىن قاشاندا اشىق ايتىپ، جازىپ جۇرەتىنىمدى جاقسى بىلەسىزدەر.
سونىمەن ايتايىن دەگەنىم:
بىرىنشىدەن، ەكولوگيا مينيسترلىگىنىڭ قۇرىلىمىندا سۇلەيمەنوۆا حانىم ءبىراز جىل ءجۇر. سۋداي جاڭا كەلگەن مامان ەمەس. دەپارتامەنت باسقاردى، كەيىن ءماجىلىس دەپۋتاتى بولىپ پارلامەنتتەن بىراق شىقتى. ەكولوگيا ۆيتسە ءمينيسترى بولدى، ودان كەيىن مينيستر بولىپ تاعايىندالدى. كەلە سالا بۇكىل زامدارىن اۋىستىردى. اقوردادان كارت-بلانش بەرىلگەن مينيسترلەردىڭ ءبىرى ءدال وسى ءزۇلفيا سۇلەيمەنوۆا ەدى. جاڭا قازاقستان عوي، جاساسىن، وزگەرتسىن دەپ قابىلدادىق.
الايدا، سەنەسىزدەر مە، ءالى كۇنگە دەيىن ورمان شارۋاشىلىعىن قالاعايلايتىن ۆيتسە مينيستر تاعايىندالماعان. بۇكىل ورىنباسارلار ىشىنەن نە ءبىر ورمانشى جوق، نە ءبىر ەكولوگ جوق. ادام تانىمايتىن، ءومىر كورمەگەن جاس مينيستر كوللەكتيۆتى ەكىگە ءبولىپ، ارىپتەستەرىمەن تەك كومەكشىلەرى ارقىلى عانا تىلدەسەدى ەكەن. وعان قوسا تەلوحرانيتەلى بار ەكەن. ارنايى وپەرگرۋپپا جاساقتاپ، وينىنا كەلگەنىن جاساعان.
ەكىنشىدەن، 16 مامىر كۇنى ءزۇلفيا حانىم ۇكىمەت وتىرىسىندا بايانداما جاساپ، ءورتتىڭ الدىن الۋعا ءبارى ساقاداي ساي دەپ ەسەپ بەرگەن. ياعني بايانداما جاسار الدىندا ءار مينيستر ءۇي جۇمىسى رەتىندە تاقىرىپقا دايىندالىپ، ونى زەرتتەۋ كەرەك بولاتىن.
ۇشىنشىدەن، 28 مامىر باسقا ەمەس، يمەننو شىعىس قازاقستان وبلىسىنا بارىپ تۇرىپ، ورتكە قارسى شارالار جۇرگىزگەن. ءدال سول ساپاردا مينيستر حانىم فوتوسەسسيا جاساعانشا، كەشە ورتەنىپ كەتكەن ورمانشىلارمەن تىلدەسىپ، جاعدايلارىن سۇراپ، بارلىق تەحنيكانى ءوز كوزىمەن كورۋى كەرەك ەدى. سوندا ول راتسيالاردىڭ ىستەمەيتىنىن، تەحنيكانىڭ جوقتىعىن كورەتىن ەدى. ەگەر ءزۇلفيا جاس تا بولسا تياناقتى مامان رەتىندە ماسەلەنى تەرەڭىنەن قاراپ، شىنايى جاعدايدى كورىپ، استاناعا كەلىپ، اقورداعا كىرىپ شۋ كوتەرگەندە جاعداي باسقاشا بولار ما ەدى؟ جاز كەزىندە ءورت قاۋىپى جوعارى. مينيستر شىعىس قازاقستاننان كەلە سالا فورۋمداتىپ ءجۇردى.
تورتىنشىدەن، 8 ماۋسىم كۇنى ءورت 11.58 باستالعان. جەرگىلىكتى ورمان شارۋاشىلىقتارى توتەنشە جاعداي ورىن العاندا بىردەن استاناعا ورتالىق اپپاراتقا حاارلاپ، نۇسقاۋ كۇتەدى. ءدال وسى ساتتە ورمان شارۋاشىلىعى كوميتەتى ءمينيستردىڭ كەلىسىمى بويىنشا ناقتى نۇسقاۋلار بەرۋى قاجەت ەدى. مۇنداي چپ كەزدە سەمەي ورمانى ەكولوگيا مينيسترلىگى قاراماعىندا بولعاندىقتان، ءدال وسى مينيسترلىك چس-كە، اكىمدىككە قوڭىراۋ شالىپ، بارلىعىن جەدەل كوتەرۋ كەرەك بولاتىن. سونىمەن قاتار، ەكولوگيا مينيسترلىگى قاراماعىندا كازگيدرومەت دەگەن ۇيىم بار. بۇل ءورت شىققان جاعدايدا، مينيستر كازگيدرومەتتىڭ ماماندارىن شاقىرىپ الىپ، اۋا رايى بويىنشا ناقتى بولجامدى قاراپ، جەلدىڭ قاي جاقتان قالاي بولاتىنىن قاراپ، سەمەي ورمانشىلارىنا نۇسقاۋ بەرۋ كەرەكت تۇعىن. ارينە، بۇل جۇمىس جاسالىنباعان. ۋاقىتتى جوعالتىپ العان. جەلدىڭ قالاي كەلەتىنىن بىلمەگەن ورمانشىلار ءورتتى وزدەرى سوندىرۋگە كوشكەن.
بەسىنشىدەن، ءدال قازىر مەن ءۇشىن ءزۇلفيا مەن 30 جىل وتىرىپ دىم بىتىرمەگەن ءبىز سىناپ جۇرگەن شەنەۋنىكتەردىڭ ەش ايىرماشىلىعى جوق. موينىنا جاۋاپكەرشىلىك الا المايتىن، كرەسلوعا جابىسىپ العانداردىڭ تالايىن كوردىك. جاپ-جاس بولىپ قاتەلىكتى مويىنداي الماي، وعان قوسا مىنانداي تراگەديالىق جاعدايدا ءوزىن جاقتايتىن بلوگەرلەردى جالداۋ، بوتتاردى قولداۋ تىپتەن ۇيات.
التىنشىدان، قۇداي ءۇشىن، «سالادا ماماندار جوق، باسقا كادرلار جوق، اعىلشىن ءتىلىن كەرەمەت بىلەتىن ءزۇلفياسىز ەكولوگيا مينيسترلىگى قۇلايدى» دەپ وتىرىك جوققا شىعارماۋلارىڭىزدى سۇرايمىن. مىقتى ورمانشىلار بار، مىقتى ەكولوگتار بار، مىقتى سۋ ماماندارى بار، مىقتى ينسپەكتورلار بار. ءومىر بويى وسى سالادا ادال ەڭبەك ەتىپ، العان تيىن-تەبەنىنە قاناعات دەپ تابيعاتتى قورعاۋعا جانىن سالىپ جۇرگەن قانشاما قىزمەتكەرلەر بار.
جاڭا قازاقستاندا اسپاننان تۇسكەن كيندەرسيۋرپريزلەردى ەمەس، كرىشاسى بولماسا دا، ادال قىزمەت ەتىپ جۇرگەن سالانىڭ ماماندارىن تاعايىنداڭىزدار. جانە دە بۇل تەك قانا ەكولوگيا مينيسترلىگىنە قاتىستى دەپ ويلامايمىن.
وسىمەن ء“زۇلفيا سۇلەيمەنوۆانىڭ كەيسى” اقورداعا ساباق بولادى دەپ سەنەمىن. اركىم ءوز جۇمىسىمەن، ءوز سالاسىمەن اينالىسسىن.
