سولتۇستىك قازاقستان وبلىسىندا توتەنشە جاعدايلار دەپارتامەنتى قىزمەتكەرلەرى تۇرعىن ءۇي ىشىنەن بالانىڭ ءمايىتىن تاپتى، دەپ حابارلايدى "ادىرنا".
قايعىلى وقيعا 18 قاڭتار كەشكە قىزىلجار اۋدانىنا قاراستى ولشانكا اۋىلىنداعى جەكە تۇرعىن ۇيدە بولعان.
قۇتقارۋشىلار وقيعا ورنىنا كەلگەنشە ءۇي تولىق ورتەنىپ، شاتىرى قۇلاپ كەتكەن. ءورتتى ءسوندىرۋ كەزىندە ءۇيدىڭ ىشىنەن كامەلەتكە تولماعان بالانىڭ ءمايىتى تابىلعان.
الەۋمەتتىك جەلىدەگى اقپاراتقا سايكەس، ەرەسەكتەر ۇيدەن شىعىپ، قوناققا كەتكەن كەزدە بالانى ۇيدە جالعىز قالدىرعان.
ءورتتى تولىق سوندىرۋگە 35 قىزمەتكەر جانە 11 بىرلىك ارنايى تەحنيكا جۇمىلدىرىلعان. الدىن الا بولجام بويىنشا، ءورتتىڭ شىعۋىنا پەشتى پايدالانۋ كەزىندە ءورت قاۋىپسىزدىگى تالاپتارىنىڭ بۇزىلۋى سەبەپ بولۋى مۇمكىن.
ۇقساس جاڭالىقتار
