Dostar, aıtaıyn degenim.
Ekologııa mınıstriliginde kezinde jumys jasap, ormanshylardy jeke tanyǵannan keıin, salany sál pál bolsa bilgennen keıin nemquraı qaraı almaı jatyrmyn. Sondyqtan durys túsinińizder. 15 adamnyń ómiri qıǵan bul tragedııa biraz máseleniń betin ashyp jatqanyn ózderińiz de kórip otyrsyzdar.
Zúlfııa Súleımenovanyń jeke basynda sharýam joq. Mınıstr bolyp taǵaıyndalǵanda, qýanǵan adamdardyń biri bolǵandardyń qatarynda men de boldym) Men kadrlyq saıasattyń jasarǵanyn, genderlik tepe-teńdiktiń saqtalýyn qashanda ashyq aıtyp, jazyp júretinimdi jaqsy bilesizder.
Sonymen aıtaıyn degenim:
Birinshiden, Ekologııa mınıstrliginiń qurylymynda Súleımenova hanym biraz jyl júr. Sýdaı jańa kelgen maman emes. Departament basqardy, keıin májilis depýtaty bolyp Parlamentten biraq shyqty. Ekologııa vıe mınıstri boldy, odan keıin mınıstr bolyp taǵaıyndaldy. Kele sala búkil zamdaryn aýystyrdy. Aqordadan kart-blansh berilgen mınıstrlerdiń biri dál osy Zúlfııa Súleımenova edi. Jańa Qazaqstan ǵoı, jasasyn, ózgertsin dep qabyldadyq.
Alaıda, senesizder me, áli kúnge deıin orman sharýashylyǵyn qalaǵaılaıtyn vıe mınıstr taǵaıyndalmaǵan. Búkil orynbasarlar ishinen ne bir ormanshy joq, ne bir ekolog joq. Adam tanymaıtyn, ómir kórmegen jas mınıstr kollektıvti ekige bólip, áriptesterimen tek kómekshileri arqyly ǵana tildesedi eken. Oǵan qosa telohranıteli bar eken. Arnaıy opergrýppa jasaqtap, oınyna kelgenin jasaǵan.
Ekinshiden, 16 mamyr kúni Zúlfııa hanym úkimet otyrysynda baıandama jasap, órttiń aldyn alýǵa bári saqadaı saı dep esep bergen. Iaǵnı baıandama jasar aldynda ár mınıstr úı jumysy retinde taqyrypqa daıyndalyp, ony zertteý kerek bolatyn.
Úshinshiden, 28 mamyr basqa emes, ımenno Shyǵys Qazaqstan oblysyna baryp turyp, órtke qarsy sharalar júrgizgen. Dál sol saparda mınıstr hanym fotosessııa jasaǵansha, keshe órtenip ketken ormanshylarmen tildesip, jaǵdaılaryn surap, barlyq tehnıkany óz kózimen kórýi kerek edi. Sonda ol raııalardyń istemeıtinin, tehnıkanyń joqtyǵyn kóretin edi. Eger Zúlfııa jas ta bolsa tııanaqty maman retinde máseleni tereńinen qarap, shynaıy jaǵdaıdy kórip, Astanaǵa kelip, Aqordaǵa kirip shý kótergende jaǵdaı basqasha bolar ma edi? Jaz kezinde órt qaýipi joǵary. Mınıstr Shyǵys Qazaqstannan kele sala forýmdatyp júrdi.
Tórtinshiden, 8 maýsym kúni órt 11.58 bastalǵan. Jergilikti orman sharýashylyqtary tótenshe jaǵdaı oryn alǵanda birden Astanaǵa ortalyq apparatqa haarlap, nusqaý kútedi. Dál osy sátte orman sharýashylyǵy komıteti mınıstrdiń kelisimi boıynsha naqty nusqaýlar berýi qajet edi. Mundaı ChP kezde Semeı ormany Ekologııa mınıstrligi qaramaǵynda bolǵandyqtan, dál osy mınıstrlik ChS-ke, Ákimdikke qońyraý shalyp, barlyǵyn jedel kóterý kerek bolatyn. Sonymen qatar, ekologııa mınıstrligi qaramaǵynda Kazgıdromet degen uıym bar. Bul órt shyqqan jaǵdaıda, mınıstr Kazgıdromettiń mamandaryn shaqyryp alyp, aýa raıy boıynsha naqty boljamdy qarap, jeldiń qaı jaqtan qalaı bolatynyn qarap, Semeı ormanshylaryna nusqaý berý kerekt tuǵyn. Árıne, bul jumys jasalynbaǵan. Ýaqytty joǵaltyp alǵan. Jeldiń qalaı keletinin bilmegen ormanshylar órtti ózderi sóndirýge kóshken.
Besinshiden, dál qazir men úshin Zúlfııa men 30 jyl otyryp dym bitirmegen biz synap júrgen sheneýnikterdiń esh aıyrmashylyǵy joq. Moınyna jaýapkershilik ala almaıtyn, kresloǵa jabysyp alǵandardyń talaıyn kórdik. Jap-jas bolyp qatelikti moıyndaı almaı, oǵan qosa mynandaı tragedııalyq jaǵdaıda ózin jaqtaıtyn blogerlerdi jaldaý, bottardy qoldaý tipten uıat.
Altynshydan, Qudaı úshin, «salada mamandar joq, basqa kadrlar joq, aǵylshyn tilin keremet biletin Zúlfııasyz ekologııa mınıstrligi qulaıdy» dep ótirik joqqa shyǵarmaýlaryńyzdy suraımyn. Myqty ormanshylar bar, myqty ekologtar bar, myqty sý mamandary bar, myqty ıınspektorlar bar. Ómir boıy osy salada adal eńbek etip, alǵan tıyn-tebenine qanaǵat dep tabıǵatty qorǵaýǵa janyn salyp júrgen qanshama qyzmetkerler bar.
Jańa Qazaqstanda aspannan túsken kındersıýrprızlerdi emes, kryshasy bolmasa da, adal qyzmet etip júrgen salanyń mamandaryn taǵaıyndańyzdar. Jáne de bul tek qana Ekologııa mınıstrligine qatysty dep oılamaımyn.
Osymen “Zúlfııa Súleımenovanyń keısi” Aqordaǵa sabaq bolady dep senemin. Árkim óz jumysymen, óz salasymen aınalyssyn.
