وسكەمەن تولعان مەنىڭ ناعاشىم. بۇل تۋرالى ۇنەمى جازامىن. انامنىڭ باۋىرى كوپ، ۇلكەن وتابسىدان شىققان. وتكەن جولى ماريا جانە داريا اپايلارىم كەلىپ وسى كىسى تۋرالى ءبىراز “جالوبتارىن” ايتىپ كەتكەن ەدى.
ولاردى الاڭداتاتىن ەڭ ماڭىزدى ماسەلەلەردىڭ ءبىرى - ەكولوگيا. سوڭعى جىلدارى “اتى جامان” اۋرۋلار كوبەيىپ كەتتى ول جاقتا. سوسىن قالانىڭ جۇدەپ كەتۋى. ەشنارسە جاڭارتىلماعان دەسەدى.
بەردىبەك ساپارباەۆتى ماقتاپ وتىر. سول كىسىنىڭ جاساپ كەتكەنى ءالى تۇر دەپ. دانيال كەنجەتايۇلى وسكەمەن جۇرتشىلىعىمەن كەزدەسۋدى دە قويىپتى. ءبىر كوپىر سوعىلىپ باستالعان ەكەن. ءبىزدىڭ لرت ۇقساپ ءالى بىتپەي تۇرعان جايى بار. ال سول كوپىر اياقتالسا قاراپايىم حالىقتىڭ ءجۇرىپ-تۇرۋىنا ەداۋىر ۇلەس قوسار ەدى دەيدى اپكەلەرىم.
اسحات نيازوۆ ارىپتەسىمىزگە جاسالعاندار ساناسى بار ادامعا كۇلكىلى. ءتىل بىلە مە، بىلمەي مە شاتاعىم جوق. اسحاتتىڭ جاقسى سيۋجەتتەرىنە حالىق كۋا. ال دانيال كەنجەتايۇلىنىڭ قىزمەتىنە حالىق رازى ەمەس. كىمنەن سۇراساڭ دا وسىنى ايتادى.
وسكەمەندە تۇمسا تابيعات تا بار، قانشاما ءوندىرىس ورىندارى دا بار. ەرتىسىڭ انە تۇر. سونىڭ ءبارىن تەك مەنىكى دەپ، “ەسكى قازاقستان” ستيلىندە جىمقىرۋدى عانا كوزدەۋ وتە وبال دەپ ويلايمىن. بۇل بارشا قازاقتىڭ وسكەمەنى. دانيالدىكى ەمەس!
