Óskemen tolǵan meniń naǵashym. Bul týraly únemi jazamyn. Anamnyń baýyry kóp, úlken otabsydan shyqqan. Ótken joly Marııa jáne Darııa apaılarym kelip osy kisi týraly biraz “jalobtaryn” aıtyp ketken edi.
Olardy alańdatatyn eń mańyzdy máselelerdiń biri - ekologııa. Sońǵy jyldary “aty jaman” aýrýlar kóbeıip ketti ol jaqta. Sosyn qalanyń júdep ketýi. Eshnárse jańartylmaǵan desedi.
Berdibek Saparbaevty maqtap otyr. Sol kisiniń jasap ketkeni áli tur dep. Danııal Kenjetaıuly Óskemen jurtshylyǵymen kezdesýdi de qoıypty. Bir kópir soǵylyp bastalǵan eken. Bizdiń LRT uqsap áli bitpeı turǵan jaıy bar. Al sol kópir aıaqtalsa qarapaıym halyqtyń júrip-turýyna edáýir úles qosar edi deıdi ápkelerim.
Ashat Nııazov áriptesimizge jasalǵandar sanasy bar adamǵa kúlkili. Til bile me, bilmeı me shataǵym joq. Ashattyń jaqsy sıýjetterine halyq kýá. Al Danııal Kenjetaıulynyń qyzmetine halyq razy emes. Kimnen surasań da osyny aıtady.
Óskemende tumsa tabıǵat ta bar, qanshama óndiris oryndary da bar. Ertisiń áne tur. Sonyń bárin tek meniki dep, “eski Qazaqstan” stılinde jymqyrýdy ǵana kózdeý óte obal dep oılaımyn. Bul barsha qazaqtyń Óskemeni. Danııaldiki emes!
