الماتىنىڭ بوستاندىق اۋدانىندا بيىل ينجەنەرلىك ينفراقۇرىلىمدى جاڭعىرتۋعا باعىتتالعان اۋقىمدى باعدارلاما قولعا الىندى. ونىڭ اياسىندا 99 شاقىرىم سۋمەن جابدىقتايتىن جانە سۋ بۇراتىن جەلىلەر سالىنىپ، 154 شاقىرىم ەلەكتر جەلىسى جاڭعىرتىلادى، جىلۋ مەن گاز جەلىسى دە قايتا جاڭارىپ، وقىس وقيعانىڭ الدىن الۋعا باعىتتالعان ءبىراز جوبا ىسكە اسقالى وتىر. وڭىرلىك كوممۋنيكاتسيالار قىزمەتىندە بوستاندىق اۋدانىنىڭ اكىمى ازامات قالدىبەكوۆ وسىلاي دەدى. ونىڭ ايتۋىنشا، بۇل 25 مىڭنان استام تۇرعىندى نەگىزگى كوممۋنالدىق قىزمەتپەن قامتاماسىز ەتىپ، جۇيەنىڭ سەنىمدى بولا تۇسۋىنە سەپ بولادى.
ازامات قالدىبەكوۆتىڭ ايتۋىنشا، جىل سوڭىنا دەيىن نۇرلىتاۋ شاعىن اۋدانىندا تاۋلىگىنە 9 000 تەكشە مەتر سۋ وندىرەتىن سۋ تارتۋ نىسانى مەن سورعى ستانتسياسىنىڭ قۇرىلىسى اياقتالادى.
سونداي-اق ازامات قالدىبەكوۆ جىل سوڭىنا دەيىن نۇرلىتاۋ شاعىناۋدانىندا تاۋلىگىنە 9 000 تەكشە مەتر قۋاتتىلىعى بار سۋ تارتاتىن جۇيە مەن سورعى ستانتسياسى سالىنىپ بىتەتىنىن حابارلادى. بيىلعى جىلدىڭ ەكىنشى توقسانىندا ۇزىندىعى 99 شاقىرىم بولاتىن سۋمەن جابدىقتاۋ مەن سۋ بۇرۋ-تاراتۋ جەلىسىنىڭ قۇرىلىسى باستالادى، ونىڭ 66 شاقىرىمى — سۋمەن جابدىقتاۋ، 33 شاقىرىمى — سۋ بۇرۋ جەلىسى. جالپى قۇنى 19 ملرد تەڭگە بولاتىن جوبا 25 مىڭنان استام تۇرعىندى ورتالىقتانعان جەلىگە قوسپاقشى.
ء«بىز تۇرعىنداردى بازالىق ينجەنەرلىك ينفراقۇرىلىممەن قامتاماسىز ەتۋدى بىرتىندەپ شەشىپ جاتىرمىز. نۇرلىتاۋ شاعىناۋدانىندا بيىلدىڭ وزىندە سۋمەن جابدىقتايتىن نەگىزگى نىسانداردىڭ قۇرىلىسى اياقتالادى. بۇل تۇرعىنداردىڭ ءومىر ءسۇرۋ ساپاسىن ەداۋىر ارتتىرىپ، ولاردى سۋمەن قامتاماسىز ەتۋگە مۇمكىندىك بەرەدى»، — دەدى اۋدان باسشىسى.
سونىمەن قاتار، 2026 جىلدىڭ ءۇشىنشى توقسانىندا اقتوبە، باعاناشىل جانە ەرمەنساي شاعىن اۋداندارىندا تاراتۋ جەلىلەرىن سالۋ جوبالارى بويىنشا مەملەكەتتىك ساراپتاما قورىتىندىسىن الۋ جوسپارلانىپ وتىر.
بيىلعى ءۇشىنشى توقساندا اقتوبە، باعاناشىل مەن ەرمەنساي شاعىناۋدانىندا تاراتۋ جەلىسىن سالۋ جوباسى بويىنشا مەملەكەتتىك ساراپتاما قورىتىندىسىن الۋ جوسپارلانىپ وتىر. سونىمەن قاتار «الماتى سۋ» مكك جەلىسى بويىنشا ەكىنشى توقساندا بۇقار جىراۋ، مىڭباەۆ، باسەنوۆ، سىرعابەكوۆ كوشەسىندە، سونداي-اق وربيتا-1 مەن وربيتا-3 شاعىناۋدانىندا 7,3 شاقىرىم سۋمەن جابدىقتاۋ مەن سۋ بۇرۋ جەلىسىن قايتا جاڭعىرتۋ جۇمىسى باستالادى.
توتەنشە جاعدايدىڭ الدىن الۋعا ەرەكشە كوڭىل ءبولىندى. الماتى – ۇلكەن الماتى كولى اۆتوجولىن نىعايتۋ مەن قالپىنا كەلتىرۋ، جاڭگىر حان كوشەسىندەگى سۋ باسۋ قاۋپى بار جەرلەردە قۋاتتىلىعى ساعاتىنا 400 تەكشە مەتر بولاتىن كارىز سورعى ستانتسياسىن سالۋ، سونداي-اق كوكشوقى شاعىناۋدانى مەن «الما» تۇرعىن ءۇي كەشەنىندە تۇراقتى سۋمەن جابدىقتاۋدى قامتاماسىز ەتۋ ءۇشىن تەرەڭدىگى 100-دەن 400 مەترگە دەيىنگى ۇڭعىما قازۋ جوسپارلانعان. بۇل جۇمىستىڭ بارلىعى جىلدىڭ سوڭىنا دەيىن اياقتالىپ قالادى.
«بىزگە ينفراقۇرىلىمدى دامىتۋ عانا ەمەس، ونىڭ قاۋىپسىزدىگى دە ماڭىزدى. سۋ باسۋدىڭ الدىن الۋ مەن كۇردەلى ۋچاسكەلەردە تۇراقتى سۋمەن جابدىقتاۋدى قامتاماسىز ەتۋگە ەرەكشە نازار اۋدارامىز. بۇل جوبالاردى جۇزەگە اسىرۋ توتەنشە جاعدايعا تاپ بولۋ قاۋپىن ازايتىپ، اۋداننىڭ تۇراقتىلىعىن ارتتىرا تۇسەدى»، — دەدى ازامات قالدىبەكوۆ.
جىلۋمەن جابدىقتاۋ سالاسىندا 2026 جىلى 10,9 شاقىرىم جىلۋ جەلىسى مەن ءبىر سورعى ستانتسياسىن قايتا جاڭعىرتۋ بويىنشا 18 جوبا جۇزەگە اسىرىلادى. جۇمىس جىلىتۋ ماۋسىمى اياقتالعاننان كەيىن مامىر ايىندا باستالىپ، قازان ايىنىڭ سوڭىنا دەيىن اياقتالادى.
ينۆەستيتسيالىق باعدارلاما اياسىندا 154 شاقىرىم كابەل جەلىلەرى جاڭعىرتىلادى، بۇل قازىرگى 50%-دان اساتىن توزۋ دەڭگەيىن 25%-عا تومەندەتۋگە مۇمكىندىك بەرمەك. سونداي-اق 5,2 شاقىرىم جەراستى مەن جەرۇستى گاز قۇبىرى قايتا جاڭعىرتىلادى، بۇل جۇمىس ەكىنشى توقساندا باستالادى.
سونىمەن قاتار ەكىنشى توقساندا اۋداننىڭ 18 كوشەسىندە تروتۋار جارىعىن ورناتۋ جوباسى بويىنشا ساراپتاما قورىتىندىسىن الادى. ودان كەيىن ءۇشىنشى توقساندا قۇرىلىس-مونتاج جۇمىسى باستالادى.
