قىلمىستىق حاتتامادا ەكى رەت اتاپ كورسەتىلگەن شىعىس قازاقستان وبلىسى مادەنيەت باسقارماسىنىڭ باستىعى ميراس جۇماعۇلوۆ قىزمەتىنەن بوساتىلدى، دەپ حابارلايدى "ادىرنا" ۇلتتىق پورتالى، مەملەكەتتىك قىزمەت ىستەرى اگەنتتىگىنىڭ شقو بويىنشا دەپارتامەنتىنە سىلتەمە جاساپ.
«ايماقتىق مەملەكەتتىك قىزمەت شىعىس قازاقستان وبلىسى بويىنشا دەپارتامەنتىنىڭ ۇسىنىسىنان كەيىن شىعىس قازاقستان وبلىسىنىڭ اكىمى دانيال احمەتوۆ وبلىستىق مادەنيەت باسقارماسىنىڭ باستىعى ميراس جۇماعۇلوۆتى قىزمەتىنەن بوساتۋ تۋرالى شەشىم قابىلدادى. ءتيىستى بۇيرىق 2021 جىلى 13 ساۋىردە شىققان»،دەلىنگەن حابارلامادا.
ەستەرىڭىزگە سالا كەتەيىك، جۇماعۇلوۆ مەيرامحاناداعى توبەلەسكە قاتىسۋشىلاردىڭ ءبىرى بولعان. بۇل ءىس-شارا كەز-كەلگەن قوعامدىق تاماقتاندىرۋ ورىندارىندا كومپانيالاردىڭ جينالۋىنا قاتاڭ تىيىم سالىنعان 2020 جىلدىڭ جەلتوقسان ايىنىڭ سوڭىندا ورىن العان.
ەكىنشى رەت جۇماعۇلوۆ قىلمىس حرونيكاسىندا 30 ناۋرىزدا اتاپ ءوتىلدى. ءبىر ءۇي تۇرعىندارى ءبولىم باستىعى مەن وسكەمەن قالاسى اكىمدىگىنىڭ قىزمەتكەرى اراسىنداعى جانجالعا بايلانىستى پوليتسيا جاساعىن شاقىرۋعا ءماجبۇر بولدى.
9 ساۋىردە ادەپ جونىندەگى كەڭەس مۇشەلەرى ماسقارالانعان شەنەۋنىكتى قىزمەتىنەن بوساتۋ تۋرالى ۇسىنىستى وبلىس اكىمىنىڭ قاراۋىنا ۇسىندى.
"ادىرنا" ۇلتتىق پورتالى
