قازاقستانداعى بۋكمەكەرلىك كەڭسەلەر مەن كازينولاردىڭ ءبىر كۇندىك قارجىلىق اينالىمى 3,5 ميلليارد تەڭگەگە جەتتى، دەپ جازادى "ادىرنا". بۇل تۋرالى سەمەيدەگى قر پرەزيدەنتى جانىنداعى جاستار ساياساتى جونىندەگى كەڭەستىڭ كەزەكتى وتىرىسىندا ايتىلدى.
جۋرناليست-دەپۋتات نارتاي ارالبايۇلى Facebook-تەگى پاراقشاسىندا كەڭەستىڭ كەزەكتى وتىرىسىندا ايتىلعان مالىمدەمەلەرمەن ءبولىستى.
دەرەكتەرگە سۇيەنسەك، قازاقستانداعى كازينولار مەن بۋكمەكەرلىك كەڭسەلەردىڭ جىلدىق قارجىلىق اينالىمى 2020 جىلى - 89 ميلليارد تەڭگە، 2022 جىلى - 500 ميلليارد تەڭگە، 2023 جىلى - 1 تريلليون تەڭگەدەن اسقان.
لۋدومانيا تاقىرىبىندا وتكەن وتىرىستا ەلدەگى اجىراسۋ سەبەپتەرىنىڭ ءبىرى قۇمار ويىندارىنا قۇنىعۋ بىردەن-ءبىر سەبەپ بولعانى ايتىلعان.
"1 قازاقستاندىقتىڭ بۋكمەكەرلىك كەڭسەلەر مەن كازينولار الدىنداعى قارىزى ورتا ەسەپپەن 10 ميلليون تەڭگە. اجىراسقان 10 جۇپتىڭ 7-ءى لۋدومانيانىڭ سالدارىنان ەكى جاققا كەتەدى.
قازىر قازاقستاندا 700 مىڭ وقۋشى ونلاين بۋكمەكەرلىك كەڭسەلەر مەن ويىن اۆتوماتتارىندا ءباس تىگەدى. جارناماسى سۇمدىق بۇلاردىڭ، بيىل ونلاين قۇمار ويىندى جارنامالاعان 1783 ينتەرنەت رەسۋرس بۇعاتتالعان" دەپ جازدى ول.
