سوت شەشىمدەرى نەگىزىندە ەلىمىزدە 3000-نان اسا ونلاين-كازينو جۇمىسىنا قۇرىق سالىنىپ، 5 بۋكمەكەرلىك كەڭسە مەن 2 لوتەرەيانىڭ ليتسەنزياسى توقتاتىلدى، دەپ حابارلايدى “ادىرنا”.
قر بعم تۋريزم يندۋسترياسى كوميتەتى ونلاين-كازينولاردى انىقتاۋ جانە بۇعاتتاۋ جۇمىستارىن جىل سايىن جۇرگىزىپ كەلەدى. بيىلعى جىلدىڭ باسىنان بەرى مەملەكەتتە 3670 ونلاين-كازينو بۇعاتتالعان، سوت شەشىمدەرى نەگىزىندە 5 بۋكمەكەرلىك كەڭسە مەن 2 لوتەرەيانىڭ ليتسەنزياسى توقتاتىلدى. وعان ليتسەنزيالىق الىمدى تولەۋ بويىنشا بەرەشەك، ويىن ايماقتارىنان تىس جەردە تىركەلۋ، مىندەتتى رەزەرۆتىڭ بولۋى تۋرالى تالاپتى ورىنداماۋ جانە باسقا دا بۇزۋشىلىقتار سەبەپ بولىپ وتىر.
"ونلاين كازينولار جانە جەڭىل ۇتىسقا ۋادە بەرەتىن ولاردىڭ جارناماسى قۇمار ويىنداردان زارداپ شەگەتىن ادامداردى اقشالاي قاراجاتقا ءتۇسىرۋ ارەكەتى ەكەنى ەشكىمگە قۇپيا ەمەس. بۇعان قارسى تۇرۋ ءۇشىن ءبىز ينتەرنەتتى باقىلاپ، قولدانىستاعى ليتسەنزيالاردى تەكسەرەمىز. مىسالى، بۇل 4 بۋكمەكەرلىك دۇكەن، 3 ۇتىس ويىنى جانە 1 ويىن اۆتوماتتارى زالىنىڭ ليتسەنزياسىن جويۋ بويىنشا جۇمىستار جۇرگىزىلۋدە»، - دەدى مادەنيەت جانە سپورت ۆيتسە-ءمينيسترى ەرجان ەركىنباەۆ.
