تالدىقورعاندا وبلىستىق بالالار اۋرۋحاناسىنىڭ ەسەپشىسى مەملەكەتتىڭ 116 ميلليون تەڭگەسىن بۋكمەكەرگە سالىپ جىبەرگەن. بۇل تۋرالى جەتىسۋ وبلىستىق ەكونوميكالىق تەرگەۋ دەپارتامەنتىنىڭ وكىلدەرى ۇستالعان ەسەپشىنىڭ بيۋدجەت قاراجاتىن ءبىر جىلدان اسا ۋاقىت كولەمىندە قۇمار ويىنعا جۇمساپ كەلگەنىن مالىمدەدى، دەپ حابارلايدى “ادىرنا” ۇلتتىق پورتالى.
دەپارتامەنتتىڭ حابارلاۋىنشا، ول اقشانى ءوزىنىڭ بانكتىك كارتاسىنا اۋدارىپ، ارى قاراي بۋكمەكەرلىك جەكە كابينەتىندەگى شوتىنا سالىپ وتىرعان. قازىر كۇدىكتى كىناسىن تولىقتاي مويىنداعان.
ايتا كەتەيىك، وسىدان ءۇش اي بۇرىن تالدىقورعانداعى وبلىستىق بالالار اۋرۋحاناسىنىڭ مەديتسينا قىزمەتكەرلەرىنە بىرنەشە ايدان بەرى زەينەتاقى، الەۋمەتتىك جانە مەديتسينالىق تولەمدەردىڭ تولەنبەي جاتقانى حابارلانعان بولاتىن. قءازىر دەنساۋلىق ساقتاۋ باسقارماسىنىڭ باسشىلىعى مەديتسينا قىزمەتكەرلەرىنە تولىق تولەم جاساعانىن جەتكىزدى. ال ەسەپشىنىڭ ءىسى قازىر سوتتا قارالۋدا.
"جالپى اۋدارعان سوماسى ءبىر جىلدان اسا ۋاقىت كولەمىندە 116 ميلليون تەڭگە كولەمىندە. ءىس بويىنشا ونىڭ جاساعان ارەكەتى اۋىر قىلمىسقا جاتادى. 7-12 جىل ارالىعىندا باس بوستاندىعىنان ايىرۋ جازاسى كوزدەلگەن", - دەدى جەتىسۋ وبلىستىق ەكونوميكالىق تەرگەۋ دەپارتامەنتىنىڭ اسا ماڭىزدى ىستەر جونىندەگى تەرگەۋشىسى اسلان بيداسوۆ.
