Qazaqstandaǵy býkmekerlik keńseler men kazınolardyń bir kúndik qarjylyq aınalymy 3,5 mıllıard teńgege jetti, dep jazady "Adyrna". Bul týraly Semeıdegi QR Prezıdenti janyndaǵy jastar saıasaty jónindegi keńestiń kezekti otyrysynda aıtyldy.
Jýrnalıst-depýtat Nartaı Aralbaıuly Facebook-tegi paraqshasynda keńestiń kezekti otyrysynda aıtylǵan málimdemelermen bólisti.
Derekterge súıensek, Qazaqstandaǵy kazınolar men býkmekerlik keńselerdiń jyldyq qarjylyq aınalymy 2020 jyly - 89 mıllıard teńge, 2022 jyly - 500 mıllıard teńge, 2023 jyly - 1 trıllıon teńgeden asqan.
Lýdomanııa taqyrybynda ótken otyrysta eldegi ajyrasý sebepteriniń biri qumar oıyndaryna qunyǵý birden-bir sebep bolǵany aıtylǵan.
"1 qazaqstandyqtyń býkmekerlik keńseler men kazınolar aldyndaǵy qaryzy orta eseppen 10 mıllıon teńge. Ajyrasqan 10 juptyń 7-i lýdomanııanyń saldarynan eki jaqqa ketedi.
Qazir Qazaqstanda 700 myń oqýshy onlaın býkmekerlik keńseler men oıyn avtomattarynda bás tigedi. Jarnamasy sumdyq bulardyń, bıyl onlaın qumar oıyndy jarnamalaǵan 1783 ınternet resýrs buǵattalǵan" dep jazdy ol.
