جەتىسۋ وبلىسىنىڭ كوكسۋ اۋدانىندا ەكى مەملەكەتتىك قىزمەتكەر قۇمار ويىندارعا قاتىسقانى ءۇشىن قىزمەتىنەن بوساتىلدى. بۇل تۋرالى پروكۋراتۋرا جۇرگىزگەن تالداۋ بارىسىندا انىقتالعان، دەپ حابارلايدى "ادىرنا".
تەكسەرۋ ناتيجەسىندە لاۋازىمدى تۇلعالاردىڭ بۋكمەكەرلىك كەڭسەنىڭ ءموبيلدى قوسىمشاسى ارقىلى جۇيەلى تۇردە ءباس تىككەنى بەلگىلى بولدى. ولار ويىن شوتتارىن جالپى سوماسى 7,7 ميلليون تەڭگەدەن اساتىن قاراجاتقا تولىقتىرعان.
اتالعان فاكتىلەر بويىنشا پروكۋراتۋرا تاراپىنان دەن قويۋ اكتىسى ەنگىزىلدى. ونى قاراۋ قورىتىندىسى بويىنشا تارتىپتىك كوميسسيا ەكى لاۋازىمدى تۇلعانى قىزمەتىنەن بوساتۋ تۋرالى شەشىم قابىلدادى.
قىزمەتىنەن بوساتىلعانداردىڭ ءبىرى – مەملەكەتتىك قىزمەتتەگى ەڭبەك ءوتىلى 20 جىلدان اساتىن اۋداندىق ءبولىم باسشىسى.
پروكۋراتۋرا وكىلدەرىنىڭ ايتۋىنشا، مەملەكەتتىك قىزمەتشىلەردىڭ قۇمار ويىندارعا قاتىسۋى قىزمەتتىك ادەپ تالاپتارىنا قايشى كەلىپ، مەملەكەتتىك قىزمەتتىڭ بەدەلىنە كەرى اسەر ەتەدى. مۇنداي ارەكەتتەر ازاماتتاردىڭ مەملەكەتتىك ورگاندارعا دەگەن سەنىمىن تومەندەتۋى مۇمكىن.
پروكۋراتۋرا مەملەكەتتىك قىزمەتشىلەردىڭ زاڭ تالاپتارىن، قىزمەتتىك ادەپ نورمالارىن جانە مىنەز-قۇلىق ستاندارتتارىن ساقتاۋ قاجەتتىگىن ەسكە سالدى.
